शुभम देशमुख 
भंडारा : राज्यात आज लागलेल्या ग्रामपंचायत निवडणुकीत अनेक ठिकाणी धक्कादायक निकाल लागल्याचे पाहण्यास मिळाले. यात (Bhandara) भंडारा जिल्ह्यात पहिल्यांदाच निवडणुकात उतरलेल्या बीआरएस पक्षाने (BJP) भाजपला धक्का देत घवघवीत यश संपादन करण्यात आले आहे. (Tajya Batmya) 

भाजपाचे माजी आमदार चरण वाघमारे यांनी नुकतेच बीआरएसमध्ये प्रवेश केला होता. यानंतर त्यांनी आपल्या नेतृत्वात ग्रामपंचायत (Grampanchayat) निवडणुका लढविल्या आहेत. बीआरएसचे जिल्ह्यातील ११ ग्रामपंचायतमध्ये सरपंच निवडून आले आहे. चरण वाघमारे यांनी भाजपची चांगलीच कोंडी केली असून खासदार सुनिल मेंढे, माजी आमदार परिनय फुके यांच्या नेतृत्वाला जबर धक्का दिला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काँग्रेसलाही अपयश 

दुसरीकडे काँग्रेसचे प्रदेश अध्यक्ष नाना पटोले यांचा गृह जिल्हा असला तरी काँग्रेसला फारसा यश मिळाला नाही. राष्ट्रवादीच्या अजित पवार गटाविरूद्ध बीआरएस यानीच आपले सरपंच निवडून आणले आहे. तर भंडारा जिल्हयात गुलाबी वादळ आल्याने येणाऱ्या विधानसभा निवडणूकीत भाजपा, काँग्रेस, राष्ट्रवादी यांना घाम फुटणार हे मात्र निश्चित.