रश्मी पुराणिक -

भंडारा : भंडारा जिल्हा परिषदेच्या 39 तर पंचायत समितीच्या 79 निर्वाचक जागांसाठी मतदान होत आहे. एकूण 7 लाख 68 हजार 866 मतदार आज मतदानाचा हक्क बजावणार आहेत. भंडाऱ्यात 1,322 मतदान केंद्रावर मतदान होणार आहे. एकूण 7 लाख 68 हजार 866 मतदार मतदान करतील. त्यापैकी 3 लाख 89 हजार 130 पुरुष, तर 3 लाख 79 हजार 736 महिला मतदार मतदानाचा हक्क बजावणार आहे. - Bhandara Local Governance Body Elections Voting for 39 Zilla Parishad and 79 Panchayat Samiti constituencies

जिल्हा परिषदेसाठी एकूण 245 उमेदवार नशिब आजमावत असून पंचायत समितीसाठी 417 उमेदवार रिंगणात आहेत. जिल्हा परिषदेच्या 245 उमेदवारांपैकी 109 स्त्री तर 136 पुरुष उमेदवार आहेत. पंचायत समितीसाठी 417 उमेदवारांपैकी 228 पुरुष तर 189 स्त्री उमेदवार आहेत.

हेही वाचा -

राज्य सरकारचा प्रस्ताव फेटाळून ठरलेल्या वेळेतच स्थानिक स्वराज्य संस्थांच्या निवडणुका घेण्याचा निर्णय निवडणूक आयोगाने (Election Commission) घेतला होता. निवडणूक आयोगाच्या निर्णयानुसार, 2 जिल्हा परिषद आणि 105 नगरपंचायतींमधील निवडणुका ओबीसी आरक्षणाशिवायच (OBC Reservation) होत आहेत. 19 जानेवारी 2022 ला मतमोजणी होणार आहेत. तर 18 जानेवारी 2022 ला ओबीसी आरक्षित जागेतील निवडणुका पार पडणार आहेत.