Bhandara Rape Case News भंडारा जिल्ह्यातील गोबरवाही (Bhandara Gobarwahi Crime) परिसरात धक्कादायक प्रकार उघडकीस आला असून या प्रकरणामुळे संपूर्ण जिल्ह्यात खळबळ उडाली आहे. एका अल्पवयीन गर्लफ्रेंडसोबत शरीरसंबंध ठेवतं आक्षेपार्ह परिस्थितीतील व्हिडिओ तयार करून तो सोशल मीडियावर व्हायरल करण्यात आला. या प्रकरणात पोलिसांनी तत्काळ कारवाई करत बॉयफ्रेंडसह पाच जणांना अटक केली असून त्यामध्ये दोन अल्पवयीन मुलांचाही समावेश आहे.

मिळालेल्या माहितीनुसार, आरोपींनी संबंधित मुलीसोबतचे प्रायव्हेट व्हिडिओ (Private Video) गुप्तपणे तयार केला आणि त्याचा वापर करून तिच्यावर दबाव टाकण्याचा प्रयत्न केला. या व्हिडिओच्या आधारे मुलीवर मानसिक दबाव आणत तिला धमकावण्यात आले आणि तिला ब्लॅकमेल करण्याचा प्रयत्न झाल्याचे समोर आले आहे. मुलीने या प्रकाराला स्पष्ट नकार दिल्यानंतर आरोपींनी तोच व्हिडिओ सोशल मीडियावर व्हायरल केला.

या घटनेनंतर पीडित मुलीच्या आईने गोबरवाही पोलीस ठाण्यात तक्रार दाखल केली. तक्रारीच्या आधारे पोलिसांनी तातडीने तपास सुरू करत पाचही आरोपींना ताब्यात घेतले आहे. अटक करण्यात आलेल्या आरोपींमध्ये भावेश यादव (वय १९), क्षितिज पटले (वय १९), बाल्या उर्फ करण चौधरी (वय २१) तसेच दोन अल्पवयीन मुलांचा समावेश आहे.

या प्रकरणी पोलिसांनी भारतीय न्याय संहिता अंतर्गत विविध गंभीर कलमांसह पॉक्सो कायदा आणि माहिती तंत्रज्ञान कायद्यानुसार गुन्हा दाखल केला आहे. अल्पवयीन मुलीच्या सुरक्षिततेला धक्का देणारा हा प्रकार अत्यंत गंभीर असल्याचे पोलिसांनी स्पष्ट केले असून पुढील तपास सुरू आहे.