शुभम देशमुख, भंडारा, ता. २६ नोव्हेंबर २०२३

Bhandara Accident News:

भंडाऱ्यामधून एक भीषण अपघाताची घटना समोर आली आहे. भंडाऱ्यामध्ये दुचाकीस्वाराला भरधाव ट्रकने पाठीमागून धडक दिल्याने हा अपघात झाला. यामध्ये दुचाकीवरील तरुणाचा जागीच मृत्यू झाला. या अपघातानंतर नागरिकांनी रास्ता रोको करत संताप व्यक्त केला.

याबाबत सविस्तर माहिती अशी की, भंडाऱ्यामध्ये (Bhandara) ट्रकच्या धडकेत दुचाकीस्वाराचा जागीच मृत्यू झाल्याची दुर्दैवी घटना समोर आली आहे. मनीषकुमार रामकृष्ण पांडे (वय,३४) असे या अपघातात मृत्यू झालेल्या तरुणाचे नाव असून तो गुरुनानक वार्ड शांतीनगर मधील रहिवासी आहे.

मनीषकुमार हा भंडारावरून आपल्या दुचाकीवरुन पवनीकडे जात होता. यावेळी त्याच्या गाडीला पाठीमागून येणाऱ्या भरधाव ट्रकने जोराची (Accident News) धडक दिली. ज्यामध्ये त्याचा जागीच मृत्यू झाला. घटनेची माहिती मिळताच पोलिसांनी धाव घेत मृतदेह ताब्यात घेतला.

या अपघातानंतर परिसरातील स्थानिकांनी संताप व्यक्त करत रास्ता रोको केला. अपघातात मृत्यू पावलेल्या तरुणाच्या कुटुंबीयांना आर्थिक मदत करावी तसेच लवकरात लवकर रस्ता दुरुस्ती करावी.. अशी मागणी रास्ता रोको करणाऱ्या ग्रामस्थांनी केली.

या प्रकरणी प्रशासनाने बैठक घेऊन तोडगा काढण्याचे आश्वासन दिल्यानंतर हे आंदोलन मागे घेण्यात आले. दरम्यान, अपघाताची अड्याळ पोलिस स्टेशनमध्ये नोंद करण्यात आली असून अधिक तपास सुरू आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)