भंडारा : राज्यात स्थानिक स्वराज्य संस्थांच्या निवडणूका पार पडत आहेत. राज्यभरात यासाठी मतदान सुरू आहे. या लोकशाही बळकटीकरणाच्या प्रक्रियेत मूलभूत हक्क आणि अधिकार असलेला मतदानाचा हक्क बजावणे सशक्त लोकशाहीसाठी अत्यंत महत्वपूर्ण आहे. लोकशाहीच्या या उत्सवात भारतीय स्वातंत्र्यापासून मतदान करत आलेल्या 102 वर्षांच्या लक्ष्मी मोतीराम नंदागवडी या आजीबाईंनीही लोकशाहीचा हा महोत्सव साजरा केला आहे.

हे देखील पहा :

भंडारा जिल्ह्यातील लाखनी तालुक्यातील घोडेझजी गावातील रहिवासी असलेल्या या 102 वर्षीय लक्ष्मी आजींनी आज मतदानाचा हक्क बजावला आहे. आज राज्यातील विविध भागासह भंडारा जिल्ह्यातही जिल्हा परिषद, पंचायत समिती व नगर पंचायत निवडणुकीसाठी मतदान सुरू आहे.

मतदानाचा उत्साह नागरिकांमध्ये पाहायला मिळत आहे. तरुणांपासून वृद्धांपर्यंत सर्वच लोकशाहीच्या या सोहळ्यात सहभागी होऊन, आपलं मतदानाचं राष्ट्रीय कर्तव्य पार पाडत आहेत. स्वातंत्र्य मिळाल्यापासूनच मतदान करत आलेल्या 102 वर्षांच्या घोडेझरी येथील लक्ष्मी मोतीराम नंदागवडी या आजीबाईंनी नागरिकांना मतदानाचा हक्क बजावण्याचे आवाहन केले आहे.

Edited By : Krushnarav Sathe