Beed Saam
महाराष्ट्र

Beed: अभ्यासाला अन् दिसायलाही सेम टू सेम, बीडच्या जुळ्या बहि‍णींना दहावीत मिळाले जुळे गुण

Twin Sisters from Beed Score Identical 96% in Class 10 Exams: बीडच्या आष्टी येथील अनुष्का आणि तनुष्का या जुळ्या बहिणींनी दहावीच्या परीक्षेत चक्क गुण पण सेम टू सेम मिळवले आहे.

Bhagyashree Kamble

दहावीचा निकाल लागला. यंदा राज्याचा निकाल ९४ टक्के लागला. अनेक मुलांना घवघवीत यश मिळाले. पण या सगळ्यात बीडच्या जुळ्या बहिणींची सर्वाधिक चर्चा होत आहे. बीडच्या आष्टी शहरातील जुळ्या बहिणींनी दहावीच्या परीक्षेत अगदी 'जुळवून घेतल्यासारखे' यश मिळवले आहे. दोघींनीही समान गुण, म्हणजेच ९६ टक्के गुण मिळवले असून, त्यामुळे त्यांची चर्चा संपूर्ण परिसरात रंगली आहे.

धीरज देशपांडे यांच्या या जुळ्या मुली दत्त मंदिर परिसरात राहतात. अनुष्का आणि तनुष्का असे जुळ्या बहिणींचे नाव. यंदा त्यांचं दहावीचं वर्ष होतं. दहावीत दोघांनाही ९६ टक्के मिळाले. अभ्यासाव्यतिरिक्त जुळ्या बहिणींना नृत्याची आवड आहे. अभ्यासात सातत्य आणि शाळेच्या उपक्रमांत सहभाग असल्याने त्या शाळेतील गुणी विद्यार्थिनी म्हणून ओळखल्या जात होत्या.

विशेष म्हणजे, त्या दोघी सतत एकत्र अभ्यास करायच्या, एकमेकींच्या शंकांचे निरसन करायच्या आणि शाळेच्याही सर्व प्रवासात सोबत असायच्या. निकाल जाहीर झाल्यावर त्यांचा आनंद गगनात मावेना. 'एकसारखे गुण मिळतील असं वाटलं नव्हतं, पण खूप आनंद झालाय,' असं अनुष्काने सांगितलं.

त्यांच्या या यशानंतर देशपांडे कुटुंबीयांनी दोघींनाही औक्षण करून त्यांच्या यशाचा आनंद साजरा केला. या 'जुळ्या यशाची' बातमी सध्या गावात कौतुकाचा आणि प्रेरणादायी विषय बनली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Atal Setu : आतापर्यंत १ कोटी ३० लाख वाहनांचा प्रवास, 'अटल सेतू'मुळे सरकारच्या तिजोरीत कोट्यवधींची भर

Digestion Tips: पचनक्रिया मजबूत ठेवण्यासाठी झोपण्यापूर्वी नक्की करा 'हे' उपाय

Bhagavad Gita: भगवद्गीतेचा सहावा अध्याय कोणती शिकवण देतो?

Ahmedabad Student Death: आदल्या दिवशी १०वीच्या मुलीने 'सैयारा' पाहिला; दुसऱ्या दिवशी शाळेच्या चौथ्या मजल्यावरून उडी घेतली

Maharashtra Live News Update: पुढच्या पिढीला माहिती होण्यासाठी कारगिल दिन साजरा केला पाहिजे

SCROLL FOR NEXT