Walmik Karad Sushil Karad News  AI Image
महाराष्ट्र

Beed : वाल्मिक कराडचा मुलगा सुशील कराडवर गुन्हा दाखल, महिलेच्या घरात घुसला अन्...

Beed Walmik Karad Son Sushil Karad News : संतोष देशमुख हत्या प्रकरणामुळे चर्चेत असलेल्या वाल्मिक कराडचा मुलगा सुशील कराडसह तिघांविरोधात सोलापुरात गंभीर गुन्हा दाखल.

Alisha Khedekar

  • वाल्मिक कराडचा मुलगा सुशील कराडसह तिघांविरोधात सोलापुरात गुन्हा दाखल.

  • अनिल मुंडे आणि गोपी गंजे यांचाही आरोपींमध्ये समावेश.

  • एमआयडीसी पोलीस ठाण्यात एकूण 14 कलमांनुसार गुन्हा नोंदवल्याची माहिती.

  • महिलेच्या घरात घुसून बंदुकीचा धाक दाखवून मारहाण केल्याचा आरोप.

बीडमधील सरपंच संतोष देशमुख हत्या प्रकरणामुळे चर्चेत आलेल्या वाल्मिक कराडच्या अडचणी पुन्हा वाढण्याची शक्यता आहे. वाल्मिक कराडचा मुलगा सुशील कराड याच्यासह तिघांविरोधात सोलापूरमध्ये गंभीर स्वरूपाचा गुन्हा दाखल करण्यात आला आहे. महिलेच्या घरात घुसून बंदुकीचा धाक दाखवणे, मारहाण करणे आणि विनयभंग केल्याचे आरोप करण्यात आले आहेत. या प्रकरणामुळे सोलापूरमध्ये मोठी खळबळ उडाली आहे.

मिळालेल्या माहितीनुसार, सुशील कराड, अनिल मुंडे आणि गोपी गंजे या तिघांविरोधात सोलापूर शहरातील एमआयडीसी पोलीस ठाण्यात गुन्हा दाखल करण्यात आला आहे. या तिघांवर एकूण 14 कलमांनुसार गुन्हा नोंदवण्यात आल्याची माहिती आहे. यामध्ये पोक्सो कायद्याच्या कलमांचाही समावेश असल्याचे सांगण्यात येत आहे.

पीडित महिलेने दिलेल्या तक्रारीनुसार, सुशील कराड आणि त्याचे साथीदार महिलेच्या घरी जबरदस्ती शिरले यावेळी त्यांनी महिलेला, तिच्या पतीला आणि मुलीला धमकी देत मारहाण केल्याचा आरोप आहे. तसेच बंदुकीचा धाक दाखवून जीवे मारण्याची धमकी दिल्याचेही तक्रारीत नमूद करण्यात आले आहे. इतकेच नाही तर पीडित महिला आणि तिच्या कुटुंबाच्या नावावर असलेला प्लॉट, सोने तसेच दोन वाहने धमकी देऊन स्वतःच्या ताब्यात घेतल्याचा आरोपही करण्यात आला आहे.

या प्रकारामुळे पीडित कुटुंबाला मोठा त्रास सहन करावा लागल्याचे तक्रारीत म्हटले आहे. विशेष म्हणजे, हा संपूर्ण प्रकार 2024 मध्ये घडल्याचा दावा पीडित महिलेने केला आहे. या प्रकरणी न्याय मिळावा यासाठी महिलेने मुंबई उच्च न्यायालयात धाव घेतली होती. त्यानंतर सोलापूर पोलिसांनी या तक्रारीची दखल घेत तिघांविरोधात गुन्हा दाखल केला आहे. दरम्यान, या प्रकरणातील आरोपांची पोलिसांकडून पुढील चौकशी केली जाणार आहे. या तक्रारीमुळे वाल्मिक कराडचा मुलगा सुशील कराड पुन्हा एकदा चर्चेत आला असून, पुढे या प्रकरणात काय कारवाई होते, याकडे सर्वांचे लक्ष लागले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Late Night Food: रात्रीचे जेवण किती वाजता करावे? उशिरा जेवण्याची सवयीमुळे आरोग्यावर होऊ शकतो गंभीर परिणाम!

सोन्याचा भाव घसरला, आजच लाडक्या लेकीसाठी बनवा हे 5 दागिने

Mumbai : लोणावळा-माथेरान विसरा! हिवाळ्यात मुंबईजवळील 'या' ६ निसर्गरम्य ठिकाणी प्लान करा वीकेंड पिकनिक

Health Tips : दही खाल्ल्याने खरंच वाढतो सर्दी-खोकला? हिवाळ्यात दही खाण्याबाबत तज्ज्ञांचा खुलासा

Maharashtra News Live Update: पंतप्रधान नरेंद्र मोदींचा दौरा तूर्तास रद्द; १२ डिसेंबरला शरद पवारांच्या हस्ते प्रेरणास्थळाचे उद्घाटन

SCROLL FOR NEXT