Beed News Today: इमारतीचे बांधकाम करणाऱ्या काका-पुतण्याचा विद्युत वाहक तारेचा शॉक लागल्याने, जागीच मृत्यू झालाय. ही दुर्दैवी अन हृदयद्रावक घटना बीडच्या गेवराई तालुक्यातील मन्यारवाडी येथे घडलीय. शेख फेरोज इस्माईल वय 38 व शेख समीर जुबेद वय 26 रा. गेवराई असं शॉक लागून मृत्यू झालाय.  (Latest Marathi News)

गेवराई शहरातील संजयनगर येथील रहिवाशी असणारे, शेख फेरोज इस्माईल व शेख समीर जुबेद हे दोघे काका-पुतणे व्यवसायाने मिस्त्री काम करतात. काल सायंकाळी ते मन्यारवाडी येथील एका बिल्डिंगचे प्लास्टर करण्यासाठी गेले होते. बांधकाम करत असतानाच पुतण्या समीर याला विद्युत तारेचा शॉक लागला. (Beed News)

यादरम्यान आपला पुतण्या समीर याला शॉक बसल्याचे दिसताच शेख फेरोज यांनी त्याला वाचवायचा प्रयत्न केला. मात्र या घटनेत दोघांचाही जागीच मृत्यू झाला. दरम्यान या दुर्दैवी घटनेने गेवराई तालुक्यात हळहळ व्यक्त केली जात आहे.