बीड : बीड जिल्ह्यातील लोखंडी सावरगाव येथील वृद्धत्व आरोग्य व मानसिक आजार केंद्राच्या आरोग्य भर्ती घोटाळ्यात (Shiv Sena) शिवसेना शिंदे गटाचे जिल्हाप्रमुखांनी ७२ जणाकडून तीन लाख रुपये घेतल्याचा गंभीर आरोप (MNS) मनसेचे राज्यउपाध्यक्ष अशोक तावरे यांनी केला आहे. यासंदर्भात थेट मुख्यमंत्र्याकडे तक्रार केली आहे. (Tajya Batmya)

बीडचे जिल्हा शल्यचिकित्सक डॉ. सुरेश साबळे यांच्यावर आरोग्य भरती केल्याचा ठपका ठेवत काल विधानसभेमध्ये निलंबनाची घोषणा केली होती. या विरोधात बीडमध्ये सामान्य जनता रस्त्यावर उतरली आहे. यात ॲम्बुलन्स चालक देखील सहभागी झाले होते. बीड (Beed) जिल्हाधिकारी कार्यालयासमोर ठिय्या आंदोलन देखील केले. यावेळी जिल्हाधिकाऱ्यांना निवेदन देत निलंबन तात्काळ मागे घेण्यासंदर्भात मागणी केली. जिल्हाभरात या निलंबनाविरोधात अनेक ठिकाणी मोर्चे आणि आंदोलन होत आहेत. मात्र या घोटाळ्याचा मुख्य सूत्रधार हा शिवसेना शिंदे गटाचा जिल्हाप्रमुख असल्याचा गंभीर आरोप मनसे नेत्याने केल्यानं बीडमध्ये राजकारण तापले आहे.

गरिबांकडून पैसे घेऊन भरतीचे खापर डॉ. सुरेश साबळे यांच्यावर फोडले. या प्रकरणात थेट आरोग्य मंत्र्यापर्यंत पैसे पोहोचले आहेत. असे आरोप देखील मनसे नेत्यांनी केला आहे. त्यामुळे अधिवेशनात आरोग्य मंत्र्यांनी केले जिल्हा शल्य चिकित्सक डॉ. सुरेश साबळे यांचे निलंबन वादाच्या भोवऱ्यात सापडले आहे. या प्रकरणाचे सखोल चौकशी करून दोषी शिवसेना शिंदे गटाचे जिल्हाप्रमुख यांच्यावर कारवाई करावी अशी मागणी देखील अशोक तावरे यांनी केले आहे.