बीड : मराठा आरक्षणासाठी ठिकठिकाणी आंदोलन सुरु आहे. काही ठिकाणी बेमुदत उपोषण सुरु करण्यात आले आहे. त्यानुसार (Beed) बीड जिल्ह्यातील जातेगाव येथे सुरु असलेल्या उपोषणात सहभागी पती-पत्नी अचानक घरी गेले. यानंतर त्यांनी घरात गळफास लावून आत्महत्या केल्याची (Maratha Aarkshan) घटना गेवराई तालुक्यातील जातेगाव येथे उघडकीस आली. (Maharashtra News)

बीडच्या गेवराई तालुक्यातील जातेगाव येथे सदर घटना उघडकीस आली आहे. राजु बंडू चव्हाण (वय ३१) आणि सोनाली राजु चव्हाण (वय २८) असे मयत दाम्पत्यांचे नाव आहे. आज सकाळपासून (Maratha Reservation) जातेगाव येथे मराठा आरक्षणा संदर्भात उपोषण सुरु आहे. या आंदोलनात राजु चव्हाण हे सहभागी झाले होते. अचानक उपोषणातून उठले आणि उपोषण स्थळापासून काही अंतरावर असलेल्या घरी जावून बायकोसह गळफास घेऊन त्यांनी आत्महत्या केली. 

आत्महत्येचे कारण अस्पष्ट 

पती- पत्नीने आत्महत्येची घटना आज उघडकीस आल्याने जिल्ह्यात प्रचंड खळबळ उडाली आहे. दरम्यान दाम्पत्याच्या मृत्यूचे कारण अद्याप समजू शकले नसून याप्रकरणी तलवाडा पोलीस अधिक तपास करत आहे.