बीड : गुजरात सरकार बरखास्त करा, ही मागणी घेऊन बिल्कीस बानो प्रकरणी बीडच्या (Beed) जिल्हाधिकारी कार्यालयासमोर महिला अत्याचार विरोधी कृती समितीच्या माध्यमातून आंदोलन करण्यात आले. (Beed Today News)

बिल्कीस बानो प्रकरणातील सुटका झालेल्या 11 आरोपींना पुन्हा जेलमध्ये पाठवा. अशी मागणी या दरम्यान करण्यात आलीय. या आंदोलनात मोठ्या संख्येने मुस्लिम महिलांनी सहभाग नोंदविला होता. सामूहिक बलात्कार प्रकरणातील आरोपींना अजन्म कारावासाची शिक्षा सुनावण्यात आली होती. मात्र (Gujrat) गुजरातमधील भाजप (BJP) सरकारने 15 ऑगस्ट 2022 रोजी माफी करून सोडले आहे. या घटनेचा निषेध म्हणून पुन्हा याची चौकशी करून आरोपींना कठोरात कठोर शिक्षा व्हावी आणि गुजरात सरकार बरखास्त करावे; अशी मागणी महिला अत्याचार विरोधी कृती समितीने केली आहे.