बीड : शिक्षकांची रिक्त पदे भरा व विद्यार्थ्यांचे शैक्षणिक नुकसान थांबवा. या मागणीसाठी बीडच्या (Beed) आष्टी तालुक्यातील पुंडी गावचे नागरीक आक्रमक झाले आहेत. जिल्हा परिषद शाळेच्या (ZP School) इमारतीला कुलूप लावून जोपर्यंत शिक्षक मिळणार नाही, तोपर्यंत शाळा सुरू करू देणार नाही. असा पवित्रा घेतला आहे. (Tajya Batmya)

बीड जिल्ह्यातील आष्टी तालुक्यातील पुंडी येथील जिल्हा परिषद प्राथमिक शाळेस ग्रामस्थांनी कुलूप ठोकले. जिल्हा परिषद शाळा सुरू होऊन अवघे ४ दिवस होत नाही. तोपर्यंत शिक्षकांच्या रिक्त जागांचा प्रश्न चव्हाट्यावर आला आहे. शिक्षकांच्या जागा रिक्त आहेत. त्या जोपर्यंत भरण्यात येत नाहीत; तोपर्यंत शाळा भरू देणार नाही, असा इशारा पुंडी ग्रामस्थांनी दिला असून शाळा बंद करण्यात आली आहे. त्यामूळे विद्यार्थी शिक्षणापासून वंचित राहणार आहेत.

शिक्षकांची ३ पदे रिक्‍त

पुंडी गावातील पहिली ते सातवीपर्यंत असलेल्या जिल्हा परिषद शाळेत ३ पदे रिक्त आहेत. यामुळे शाळेत दाखल ८० विद्यार्थ्यांनी शिक्षण घ्यायचं कसं? असा प्रश्न विचारत आहेत.