Beed Latest News - मनाला अस्वस्थ वाटेल अशी दुर्दैवी घटना बीडमध्ये उघडकीस आलीय. चप्पल घेतली नाही म्हणून ऊसतोड मजुराच्या 10 वर्षीय चिमुकल्या मुलाने गळफास घेऊन आत्महत्या केलीय. आई वडील ऊसतोडणीला गेल्याने आज्जीकडे असतांना त्याने हे टोकाचं पाऊल उचललंय. ही धक्कादायक घटना बीडच्या दिंद्रुड पोलीस ठाण्याच्या हद्दीतील बोडखा कासारी येथे घडलीय. (Beed News In Marathi)

आई-वडील ऊसतोडणीसाठी कारखान्यावर गेल्यामुळे मुलगा हा हिंगणी (खु.) येथे आजोळी होता. त्याने आजीकडे नवीन चप्पलची मागणी केली होती. मात्र आजीने सहजच त्यास नकार दिला.

या किरकोळ गोष्टीचा मुलाला राग आला आणि त्याने मी आता आई - वडिलांकडेच जातो म्हणून घरातून निघून गेला आणि या दरम्यान रस्त्यावर असलेल्या एका झाडाला त्याने साडीच्या सहाय्याने गळफास घेत आत्महत्या केली. (Latest Marathi News)

तर या घटनेची माहिती मिळताच दिंद्रुड पोलिसांनी (Police) घटनास्थळी धाव घेत मृतदेह धारुर ग्रामीण रुग्णालयात (Hospital) दाखल करत घटनास्थळाचा पंचनामा केलाय. दरम्यान, या घटनेने गावावर शोककळा पसरली असून लहान मुलाच्या आत्महत्येने हळहळ व्यक्त केली जात आहे.