बीड : बीडच्या माजलगावमध्ये शाळेच्या आवारात भरणाऱ्या अंगणवाडीतील ५ वर्षीय चिमुकलीवर अत्याचार झाल्याची धक्कादायक घटना घडली होती. शिक्षकाकडूनच हे कृत्य करण्यात आले होते. दरम्यान घटनेनंतर सदर शिक्षक फरार झाला होता. मात्र या फरार नराधम शिक्षकाला पोलिसांनी अखेर बेड्या ठोकल्या आहेत. 

बीडच्या माजलगावमध्ये (Majalgaon) ही धक्कादायक घटना घडली होती. दरम्यान माजलगाव शहरातील एका शाळेत असणाऱ्या अंगणवाडीत ही घटना घडली होती. याच अंगवडीत येणारी चिमुकलीला एकटी साधत शाळेतील शिक्षकाने अत्याचार केला होता. हि घटना उघडकीस आल्यानंतर सदर प्रकरणी पोलिसात तक्रार दाखल (Crime News) करण्यात आली होती. मात्र अत्याचार करणारा शिक्षक फरार झाला होता. 

या प्रकरणात गुन्हा दाखल झाल्यानंतर पोलिसांनी आरोपीचा शोध सुरू केला होता. अखेर पोलिसांनी आरोपी राहुल वायखिंडे या शिक्षकास अटक केली आहे. ताब्यात घेतल्यानंतर पोलिसांनी त्याला न्यायालयासमोर हजर केले असता न्यायालयाने चार दिवसांची पोलीस कोठडी सुनावली आहे.