Beed Crime News Update : बीड पुन्हा एकदा तापले आहे. गेवराईमध्ये लक्ष्मण हाके आणि विजयसिंह पंडित यांचे कार्यकर्त्ये सोमवारी एकमेकांना भिडले. दिवसभर गेवराईत जोरदार राडा झाला. शहरात दगडफेकीचीही घटना झाली. या राड्यानंतर पोलिसांनी तात्काळ कारवाई करत लक्ष्मण हाके यांच्यासह १४ जणांवर गुन्हे दाखल करण्यात आले आहेत.

बीडमधील गेवराईमध्ये सोमवारी ओबीसी नेते लक्ष्मण हाके आणि आमदार विजयसिंह पंडित समर्थकांमध्ये गेवराईच्या छत्रपती शिवाजी महाराज चौकामध्ये राडा झाला होता. लक्ष्मण हाके यांच्या अंगावर आमदार विजयसिंह पंडित यांच्या कार्यकर्त्यांकडून चपला फिरकवण्यात आल्या होत्या तर लक्ष्मण हाके यांच्या समर्थकांकडून गाडीवरती उभारून दांडके दाखवण्यात आले होते. त्यानंतर आज पोलिसांनी सुमोटोनुसार 14 आरोपींविरोधात गुन्हा दाखल केला आहे. यामध्ये ओबीसी नेते लक्ष्मण हाके यांचाही सहभाग आहे.

लक्ष्मण हाके यांनी गेवराईमध्ये येऊन दंड थोपटले. त्यांच्या समर्थकांकडून दांडके दाखवण्यात आले. यानंतर आम्हीही गप्प बसणार का? पोलिसांनी बाघ्याची भूमिका घेतली, आम्ही आमदार विजयसिंह पंडित यांच्यासोबत आहोत. गेवराईमधील धनगर समाजदेखील विजयसिंह पंडित यांच्यासोबत आहे. लक्ष्मण हाके यांना ओपन चॅलेंज आहे की, तुम्ही उद्या गेवराई मध्ये या तुम्हाला मी दाखवतो, असे एका प्रत्यक्षदर्शींनी साम टीव्हीसोबत बोलताना सांगितले.

बीडच्या गेवराई तालुक्यातील छत्रपती शिवाजी महाराज चौकामध्ये लक्ष्मण हाके आणि आमदार विजयसिंह पंडित यांच्या समर्थकांमध्ये राडा झाला. लक्ष्मण हाके यांच्या अंगावरती चपला आणि दगडफेक करण्यात आली तर लक्ष्मण हाके यांच्या समर्थकांकडून देखील दांडके दाखवण्यात आले. राड्यानंतर पोलीस अधिक्षकांनी सीसीटीव्ही फुटेच्या आधारे तात्काळ गुन्हे दाखल करण्यात यावेत, असे आदेश संबंधित पोलीस स्टेशनच्या पोलीस निरीक्षकांना दिले. पोलिसांनी त्यानंतर १४ जणांवर गुन्हे दाखल केले आहेत.