बीड : तुझ्या विरोधात महिलेची तक्रार आहे...तुला अटक करेन...असं म्हणत पोलिसांच्या नावाने भलत्यानेच विद्यार्थ्याला धमकी दिली. हा खळबळजनक प्रकार (Beed) बीडच्या गेवराईमध्ये उघडकीस आला. योगेश नामदेव नागरे (वय 27, रा. संगमजळगाव, ता. गेवराई) असे (Student) विद्यार्थी असणाऱ्या तक्रारदार तरुणाचे नाव आहे. (Letest Marathi News)

योगेश नागरे याने दिलेल्या फिर्यादीवरून 1 नोव्हेंबरला सकाळी पावणेदहा वाजता फेसबुकवरून एका अनोळखी महिलेने मी औरंगाबादच्या (Aurangabad) बजाजनगरमध्ये राहत असून, मोबाईल क्रमांकाची मागणी केली. योगेशने मोबाईल क्रमांक दिल्यावर दुपारी पावणे एक वाजता अनोळखी पुरुषाने फोन करुन तुम्ही सकाळी (Crime News) नंबर दिला होता. आम्ही तुळजापूरला दर्शनासाठी गेलो होतो. मांजरसुंबा येथे डिझेल भरले. मात्र, फोन पेची मर्यादा संपल्याने पैसे देता येत नाहीत. तुम्ही 700 रुपये पाठवा. यावर योगेशला हा बनावट कॉल असल्याचा संशय आल्याने त्याने प्रतिसाद दिला नाही.

पुन्‍हा कॉल करत दिली धमकी

त्यानंतर दोन तासांनी एका अनोळखी क्रमांकावरुन योगेशला कॉल आला. समोरील व्यक्तीने मी सायबर पोलीस ठाणे बीड येथून बोलत असल्‍याचे सांगून एका महिलेशी चॅटिंग केल्याने तुझ्याविरुद्ध तक्रार आहे. असे सांगत अटकेची भीती घातली. दरम्यान या दिलेल्या फिर्यादीवरून गेवराई पोलीस ठाण्यात अज्ञातांवर गुन्हा दाखल करण्यात आलाय.