Beed Crime News:

बीडमधून एक धक्कादायक घटना समोर आली आहे. मराठा आंदोलक मनोज जरांगे पाटलांच्या मातोरी गावात गावात सशस्त्र दरोडा पडल्याचे समोर आले आहे. यावेळी दरोडेखोरांनी दोघांना बेदम मारहाण केली असून या मारहाणीत पती पत्नी गंभीर जखमी झाले आहेत. य़ा घटनेने परिसरात एकच खळबळ उडाली आहे. (Crime News In Marathi)

याबाबत अधिक माहिती अशी की, मराठा आंदोलक मनोज जरांगे पाटील यांच्या मुळ (Manoj Jarange Patil) गावात सशस्त्र दरोडा पडला्याचे समोर आले आहे. बीडच्या शिरूर कासार तालुक्यातील मातोरी गावात या दरोड्याची घटना घडली आहे. यामध्ये चोरट्यांनी हजारोंचा ऐवज लंपास केला आहे. या अज्ञात दरोडेखोरांच्या मारहाणीत पती पत्नी गंभीर जखमी झाले आहेत.

अर्चना आणि रमेश गायकवाड अशी जखमी असलेल्या पीडितांची नावे आहेत. मध्यरात्री पडलेल्या दरोड्याने गावात दहशत निर्माण झाली असून गंभीर पती पत्नीवर बीडच्या शासकीय रुग्णालयात उपचार सुरू आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हेडफोनने घेतला दोघांचा जीव..

उत्तरप्रदेशच्या कानपुरमधून एक काळीज पिळवटून टाकणारी घटना समोर आली आहे. कानपुर रेल्वे स्थानकाजवळ कानपूर- झाशी मार्गावर दोघा भावांना भरधाव रेल्वेने चिरडल्याची दुर्दैवी घटना घडली. हे तरुण कानात एयरफोन घालून क्रिकेट सामना पहात होते. ऐन दिवाळीच्या तोंडावर ही घटना घडल्याने कुटुंबावर दुखःचा डोंगर पसरला आहे. (Latest Marathi News)