योगेश काशीद
बीड : बीड जिल्ह्यात मध्यरात्री ढगफुटीजन्य पाऊस झाला आहे. या पावसाचा फटका शेती पिकांसह शेतकऱ्यांवर झाल्याचे पाहायला मिळत आहे. तर आष्टी तालुक्यातील कडा व आष्टी पाटोदा शिरूर या भागामध्ये जोरदार पाऊस पाहायला मिळाला असून या पावसामुळे संपूर्ण जनजीवन विस्कळीत झाल्याचे पाहायला मिळत आहे. तर कडा शहर जलमय झाले असून शहरात पुराच्या पाण्यात अनेक नागरिक अडकले असून या नागरिकांना रेक्स्यु करून सुरक्षितस्थळी हलविण्यात येत आहे.
बीडच्या आष्टी तालुक्यात ढगफुटी आणि अतिवृष्टीमुळे अनेक गावं पाण्याच्या पुरामध्ये अडकली आहेत. बीड जिल्ह्यातील अनेक भागात पूरस्थिती निर्माण झाली असून अनेकजण पुराच्या पाण्यात अडकले आहेत. दरम्यान आष्टी तालुक्यातील कडा शहराला पुराच्या पाण्याने वेढा घातला असून घरांमध्ये पाणी शिरले आहे. पाऊस सुरूच असल्याने घराघरात भीतीचं सावट निर्माण झाले असून आई- बापांच्या डोळ्यात काळजी पाहण्यास मिळत आहे.
हेलिकॉप्टरच्या सहाय्याने रेस्क्यू
आष्टी मतदार संघातील कडा येथील पुरामध्ये अडकलेल्या नागरिकांचे हेलिकॉप्टरच्या साह्याने आमदार सुरेश धस यांच्या मागणीनंतर रेस्क्यू ऑपरेशन करण्यात येत आहे. नागरिकांना सुखरूप बाहेर काढण्यात येत असून त्यांना सुरक्षित स्थळी नेले जात आहे. दरम्यान पावसाचा जोर कायम असल्याने पूरस्थिती अधिक बिकट होण्याची भीती व्यक्त केली जात आहे.
नदीच्या पुरात एकजण गेला वाहून
बीड जिल्ह्यामध्ये सर्वच महसूल मंडळांमध्ये अतिवृष्टीची नोंद जिल्हा प्रशासनाकडून करण्यात आली आहे. जिल्ह्यातील काही ठिकाणी नदीच्या पुरामध्ये एक व्यक्ती वाहून गेल्याचा व्हिडिओ समोर आला. तर काही ठिकाणी जनावर त्याचबरोबर झाड वाहून गेल्याचे पाहायला मिळालेला आहे. यातच संपूर्ण कडा शहर हे जलमय झालं होतं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.