बीड : अंबाजोगाई तालुक्यातील शेपवाडी येथे घरफोडी करत दागिन्यासह रोख रक्कम असा ४८ लाख रुपयांचा ऐवज लंपास (Ambajogai) केल्याची घटना घडली होती. या प्रकरणाचा छडा अंबाजोगाई पोलिसांनी लावला असून या प्रकरणात तिघांना गजाआड करण्यात आले आहे. 

बीडच्या (Beed) अंबाजोगाई तालुक्यातील शेपवाडी येथे काही दिवसांपूर्वी घरफोडी झाली होती. यात चोरटयांनी दागिन्यांसह रोख रक्कम लांबविली होती. हा सुमारे ४८ लाख रुपयांचा मुद्देमाल होता. याबाबत दाखल तक्रारीवरून (Police) पोलीसांकडून सदर घटनेतील चोरट्यांचा शोध सुरु होता. या घरफोडीतील आरोपींचा तपस पोलिसांना लागल्यानंतर तीन जणांना ताब्यात घेतले आहे. 

तिघांची कसून चौकशी 

पोलिसांनी ताब्यात घेतलेल्या आरोपींमधील एक आरोपी हा सराईत गुन्हेगार असल्याचे समोर आले असून त्याच्यावर इतर गुन्हेही दाखल आहेत. आता या तिघांची अधिक चौकशी केली जात असून इतर गुन्हे ही उघडकीस येऊ शकतील; अशी माहिती स्थानिक गुन्हे शाखेचे पोलीस निरीक्षक संतोष साबळे यांनी दिली.