'बारामतीमध्ये बोगस मतदान होत आहे आणि शरद पवारांच्या कार्यकर्त्यांना दमदाटी करत जीवे मारण्याची धमकी दिली जात आहे.' असा आरोप शरद पवार गटाचे उमेदवार युगेंद्र पवार यांच्या आई शर्मिला पवार यांनी केले आहेत. बारामतीमधील मतदान केंद्रावर गोंधळ झाल्याचे कळताच अजित पवार यांनी मतदान केंद्रावर धाव घेतली. यावेळी माध्यमांशी संवाद साधताना शर्मिला पवार यांच्या आरोपांवर प्रतिक्रिया दिली. अजित पवार यांनी शर्मिला पवार यांचे सर्व आरोप फेटाळून लावले आहेत.

शर्मिला पवार यांचे आरोप अजित पवार यांनी फेटाळून लावत सांगितले की, 'शर्मिला पवार यांचे आरोप धांदात खोटा आहे. तसं असेल तर सीसीटीव्ही कॅमेरे लावले आहेत. त्यामध्ये सर्व कैद झाले आहेत. तसे असेल तर निवडणूक अधिकारी बघतील. आज आम्ही ऐवढ्या निवडणुका पार पाडल्या त्यामध्ये आमच्या कार्यकर्त्यांनी अशापद्धतीची वक्तव्य केली नाही. आमच्या कार्यकर्त्यांनी धमक्या दिल्या नाही. मला माझ्या कार्यकर्त्यावर ठाम विश्वास आहे.'

'तुम्ही ज्या पक्षाचे कार्यकर्ते असतात त्या पक्षाची स्लिप दिली जाते. मतदान केंद्रावर आल्यानंतर चिन्ह असलेला कागद फाडला जातो आणि नंतर मतदान केले जाते हे आधीपासून चालत आले आहे. १ वाजत आला तरी मतांची टक्केवारी कमी आहे. जास्तीत जास्त मतदान केले पाहिजे असे आवाहन अजित पवार यांनी जनतेला केले आहे. तुमचा हक्क बजावा, जो उमेदवार योग्य वाटेल त्याला मतदान करा. मतदानाचा अधिकार सर्वांनी बजवावा. कुणीही मतदानाचा अधिकार गमवावू नये, असे आवाहन अजित पवार यांनी केले आहे.

अजित पवार यांनी पुढे सांगितले की, 'त्यांनी तक्रार केली असली तरी पोलिस तपास करतील. निवडणूक आयोग्य तपास करतील आणि काय खरे आणि काय खोटो ते काढतील. प्रत्येक तक्रारीमध्ये तथ्य नसते. आम्ही नियमाचे पालन करणारी लोकं आहोत. माझे पोलिंग एजंट असे धमकावण्याचे काम करणार नाही. मला त्यांच्यावर विश्वास आहे.'