बारामतीमध्ये राष्ट्रवादी काँग्रेस शरदचंद्र पवार पक्षाचे सर्वेसर्वा शरद पवारांच्या सभेपूर्वी अनेक नाट्यमय घडामोडी घडताना दिसत आहेत. शॉपिंगसाठी गेलेल्या शरद पवार यांच्या पत्नी प्रतिभा पवार यांना बारामती टेक्सस्टाईल पार्कमध्ये जाण्यापासून रोखण्यात आले. प्रतिभा पवार जवळपास अर्ध्या तासापासून या टेक्सस्टाईल पार्कच्या गेटवर उभ्या आहेत. सुप्रिया सुळे यांच्या कन्या रेवती सुळे देखील त्यांच्यासोबत आहेत.

मिळालेल्या माहितीनुसार, शरदचंद्रजी पवार यांच्या पत्नी प्रतिभा पवार आणि त्यांची नात रेवती सुळे यांना बारामती टेक्सटाइल पार्कमध्ये जाण्यापासून रोखण्यात आले. तब्बल अर्धा तास त्यांना गेटवर थांबवून ठेवण्यात आले आणि आतमध्ये सोडले नाही. यातचा व्हिडिओ सोशल मीडियावर व्हायरल होत आहे. मात्र यामध्ये रेवती सुळे आणि प्रतिभा पवार दिसत नाहीत. या घटनेमुळे बारामतीमध्ये चर्चेला उधाण आले आहे.