-- रश्मी पुराणिक

मुंबई : देशासह राज्यात कोरोनाचा प्रादुर्भाव पुन्हा मोठ्या प्रमाणात वाढत आहे. ओमायक्रॉनच्या रुग्णांची संख्या देखील वाढत आहे. त्यामुळे चिंता व्यक्त होऊ लागली असून कोरोनाच्या तिसऱ्या लाटेचे अंदाज देखील व्यक्त होऊ लागले आहेत. कोरोनाच्या (corona) या संसर्गाचा फटका राज्यातील मंत्र्यांना देखील बसताना दिसत आहे. आजच ऊर्जाराज्यमंत्री प्राजक्त तनपुरे (Prajakt Tanpure) कोरोना पॉझिटिव्ह आले आहेत.

हे देखील पहा :

तसेच माजी मंत्री राधाकृष्ण विखे पाटील (Radhakrishna Vikhe Patil) यांना देखील कोरोनाची लागण झाली आहे. त्यातच आता महसूलमंत्री बाळासाहेब थोरात देखील कोरोना पॉझिटिव्ह (Covid Positive) आले आहेत. त्यामुळे अहमदनगर जिल्ह्यातील दोन आज व एका माजी मंत्र्याला कोरोनाने घेरल्याचे दिसून येत आहे. दरम्यान, बाळासाहेब थोरात (Balasaheb Thorat) यांनी हर्षवर्धन पाटील यांच्या मुलीच्या लग्नसमारंभास देखील उपस्थिती लावली होती. त्यामुळे या लग्नात इतरही अनेक नेत्यांना कोरोनाची लागण होण्याची शक्यता आहे.