बदलापुर : बदलापूरमध्ये शेजाऱ्यांनीच शेजाऱ्याच्या घरात चोरी केली असून तब्बल २ लाखांचे सोन्याचे दागिने शेजाऱ्यांनी (Theft) कपाटातून चोरले. या प्रकरणी (Badlapur) बदलापूर पोलीस स्टेशनमध्ये तक्रार दाखल करण्यात आली असून पोलिसांनी (Police) आरोपीला अटक केली आहे. (Breaking Marathi News)

बदलापूर पश्चिममधील चिंतामणी तथास्तु अपार्नमेंटमध्ये शेजाऱ्यांने शेजाराच्या घरात चोरी केल्याने नागरिकांचा विश्वास या शब्दावरचा विश्वासच नाहीसा होत आहे. तुम्ही जर एखाद्या कार्यक्रमासाठी बाहेर जात आहेत आणि विश्वासाने घराची चावी आणि जबाबदारी शेजाऱ्याला सोपवत असाल तर जागे व्‍हा. बदलापूर पश्चिम परिसरात तथास्तु को ओपरेटिव्ह सोसायटीत राहणारे निनाद देसाई आपल्या आईचा वाढदिवस साजरा करण्यासाठी सांताक्रूझ येथे गेले होते. मात्र जाताना त्यांनी त्यांच्या घराची चावी सोसायटी वाचमेन आणि शेजारी राहणारे रवींद्र हरी विशे यांना दिली होती.

दरम्यान घरी आल्यानंतर त्यांनी घराची पाहणी केली असता सर्व काही व्यवस्थित होते. मात्र कपाटातील सोन्याचे दागिने गहाळ झाले होते. यामध्ये सोन्याचा हार, ब्रेसलेट, अंगठी असे तब्बल २ लाख रुपयांचे दागिने असून यासंदर्भात निनाद देसाई यांनी बदलापूर पोलीस स्टेशनमध्ये तक्रार दाखल केली आहे. तसेच त्यांनी आरोपीला योग्य ती शिक्षा आणि गेलेले दागिने परत करण्यात यावी अशी मागणी केली आहे. दरम्यान बदलापूर पोलीस स्टेशनचे वरिष्ठ पोलीस निरीक्षक अरुन क्षिरसागर यांनी कारवाई करत संशयित आरोपी म्हणून शेजारी रवींद्र हरी विशे आला अटक केली असून पुढील तपास सुरू आहे.