ऐकलंत... बच्चू कडूंनी थेट जलसंपदा मंत्री राधाकृष्ण विखेंची गाडी फोडण्यासाठी 1 लाखाचं बक्षीस जाहीर केलंय... मात्र त्याला कारण ठरलंय राधाकृष्ण विखे पाटील यांनी शेतकरी कर्जमाफीविषयी केलेलं वादग्रस्त वक्तव्य,....आधी कर्ज घ्यायचं आणि मग कर्जमाफी मागायची, असं वक्तव्य विखेंनी केलं आणि बच्चू कडूंच्या संतापाचा पारा चढला... बच्चू कडूंनी विखेंची गाडी फोडण्याचा इशारा दिलाय...

बच्चू कडूंच्या वक्तव्यानंतर भाजपही आक्रमक झालीय... थेट गाडी फोडण्याचा इशारा दिल्यानं भाजपनं कडूंवर कारवाईची मागणी केलीय.. कर्जमाफीविषयी केलेल्या वादग्रस्त वक्तव्या प्रकरणी आता जलसंपदा मंत्री राधाकृष्ण विखे पाटलांनी मात्र सारवासारव केलीय....

खरंतर आधी मंत्री माणिकराव कोकाटे, बाबासाहेब पाटील, अजित पवार यांच्यासारख्या जबाबदार मंत्र्यांनी वादग्रस्त वक्तव्य करुन शेतकऱ्यांच्या जखमेवर मीठ चोळण्याचं काम केलं जातंय... त्यामुळे आता मुख्यमंत्र्यांनीच वादग्रस्त वक्तव्य करणाऱ्या नेत्यांना वेळीच आवर घालण्याची गरज आहे..