सिद्धेश म्हात्रे

Imtiyaz Jaleel on Aurangabad Renaming : औरंगाबादचे नामांतर करून छत्रपती संभाजीनगर असे ठेवावे यासाठी केंद्राकडून मंजूरी मिळाली आहे. त्यावरुन आता एमआयएमचे खासदार इम्तियाज जलील यांनी मुख्यमंत्री एकनाथ शिंदे यांच्यावर जोरदार टीका केली आहे. (Latest Aurangabad Renaming News)

एकनाथ शिंदे यांचा रिमोट देवेंद्र फडणवीस यांच्याकडे अल्याचं इम्तियाज जलील यांनी म्हटलं आहे. इतिहास वाईट आणि चांगला असा दोन्ही देखील असतो. औरंगाबाद एक चांगलं शहर आहे.नाव बदलल्याने त्याचे काय परिणाम होतील हे या सरकारला समजत नाही, असं इम्तियाज जलील यांनी म्हटलं आहे.

नाव बदलल्यानंतर जिथे ८ दिवसांनी पाणी येतं तिथे पाणी येणार.बेरोजगारी असणाऱ्या ठिकाणी आता नोकऱ्या मिळणार. नावासाठी लोकांच मन वळवण्याचं काम सुरू आहे. आम्ही याचा तिव्र शब्दात निषेध करतो, असं जलील म्हणाले.

पुढे शिवसेनेत झालेल्या दोन गटांवर भाष्य करताना त्यांनी म्हटलं की, 'दोन गट झालेत. त्याऐवजी 3 किंवा ४ गट होउदे.एकनाथ शिंदे यांचा रिमोट देवेंद्र फडणवीस यांच्याकडे आहे. शिवसेनेचा जन्म काँग्रेस राष्ट्रवादी विरोधासाठी,मात्र सत्तेसाठी उद्धव ठाकरे आघाडीत गेले, अशी टीका इम्तियाज जलील यांनी मुख्यमंत्र्यांवर केली आहे.

आज नवी मुंबईत एमआयएम पक्षाचे राष्ट्रीय अधिवेशन होणार आहे.या अधिवेशनाला एमआयएमचे राष्ट्रीय अध्यक्ष बॅरिस्टर असदुद्दिन ओवेसी, अकबरूद्दीन ओवेसी व इम्तियाज जलील उपस्थित राहणार आहेत. सध्या घडत असलेल्या राजकीय घडामोडी आणि आगामी निवडणुका यासंदरभात या अधिवेशनात चर्चा करण्यात येणार आहेत. दरम्यान या अधिवेशनानंतर एमआयएमकडून मोठं आंदोलन केलं जाणार असा इशाराही इम्तियाज जलील यांनी दिला आहे.