Vinayak Mete : शिवसंग्राम संघटनेचे संस्थापक विनायक मेटे (Vinayak Mete) यांचे नुकतेच अपघाती निधनं झाले. मेटे यांच्या अपघातानंतर अनेक प्रश्नांना कांगाेरे फुटले आहेत. मेटे समर्थक तसेच त्यांचे नातेवाईक हा अपघात नसून घातपात असल्याचा दावा करीत आहेत. प्रशासकीय स्तरावर या घटनेची चाैकशी सुरु झाली आहे. दरम्यान सध्या बीड जिल्ह्यात मेटे यांच्या कार्यकर्त्यांचा संवाद व्हायरल होत आहे. यापुर्वी देखील तीन ऑगस्टला एक घटना घडल्याचं संवादातून लक्षात येत आहे.

अण्णासाहेब मायकर आणि मेटे यांच्या कार्यकर्त्यांचा संवादात अण्णासाहेब म्हणतात तीन ऑगस्टला मी साहेबांसाेबत हाेता. त्यांच्याबराेबर मुंबईला चाललाे हाेताे. त्यावेळी शिक्रापूरपासून दोन किलोमीटर अंतरापर्यंत दोन वाहनं आमचा पाठलाग करत हाेती. यामध्ये ट्रक होता. शिक्रापूरपासून आमचा पाठलाग सुरु हाेताे अस मायकर म्हणत आहेत.

संबंधित वाहन कधी मागे तर कधी पुढं जात होती. एक ट्रक देखील हाेता त्यामुळं आम्हांला पुढं जाता येत नव्हते असे मायकर सांगताहेत. मी साहेबांना देखील म्हटलं काेण हाय बघु या का. तेव्हा साहेब म्हणाले असू दे काेण तरी असेल. त्यावेळी त्यांनी जाऊ दया पुढं त्यांना असं ही सांगितलं. दरम्यान साहेबच सगळं बघत हाेते. त्यामुळं त्यावेळी आम्हीही शांत राहिलाे असं मायकर यांनी नमूद केले.

Edited By : Siddharth Latkar