Summary -

• नाशिक प्रकरणात एटीएसची एन्ट्री

• तपास अधिक गंभीर खुलासे होण्याची शक्यता

• दिल्ली स्फोटातील आरोपीशी कनेक्शनचा संशय

• नोकरीच्या आमिषाने मुलींना जाळ्यात ओढण्याचा प्रकार

भरत मोहोळकर, साम टीव्ही

नाशिकच्या कॉर्पोरेट जिहाद प्रकरणात आता दहशतवादविरोधी पथकाची एण्ट्री झालीय. त्याचं नेमकं कारण काय? आयटी कंपनीतील एचआरचं दहशतवादी कनेक्शन काय आहे? पाहूयात यावरचा हा स्पेशल रिपोर्ट...

नाशिकच्या आयटी कंपनीतील कॉर्पोरेट जिहाद प्रकरणात आता थेट एटीएसची एण्ट्री झालीय. कारण मुख्य आरोपी शफी शेख आणि रजा मेमन यांच्या पोलिसांनी मुसक्या आवळल्या. आणि आपला खाक्या दाखवला. त्यानंतर हे आरोपी पोपटासारखं बोलायला लागले. त्यांनी दिलेल्या माहितीतूनच फरार एचआर निदा खानचं दिल्ली बॉम्ब स्फोटातील आरोपी डॉक्टर शाहीनशी कनेक्शन असल्याचा संशय बळावला. त्यामुळे नाशिकमधील प्रकरणातून फक्त धर्मांतरण नाही तर थेट राष्ट्रीय सुरक्षेवर घाला घालण्याचा कुटील डाव असल्याचं समोर आलंय.

निदा खानच्या दिल्ली स्फोटातील आरोपीशी कनेक्शन असल्याच्या संशयामुळे तपास यंत्रणा सतर्क झाल्या आहेत... यात एटीएसने कॉल डिटेल रेकॉर्ड्स, डिजिटल संवाद आणि आर्थिक व्यवहारांची चौकशी केली जातेय. एवढंच नाही तर तपासात आणखी धक्कादायक माहिती समोर आलीय. पीडित तरुणींना थेट मलेशियाला पाठवून मानवी तस्करीचाही संशय व्यक्त केला जातोय.. एवढंच नाही तर या प्ररकरणातील आरोपी इम्रान हा मलेशियात लपून बसल्याचा आरोप भाजप आमदार देवयानी फरांदेंनी केलाय.

या कॉर्पोरेट जिहादची एक मोडस ऑपरेंडी होती. आधी तरुणींना नोकरीच्या निमित्तानं जाळ्यात अडकवायचं. त्यानंतर या मुलींना नाशिकच्या त्र्यंबकेश्वर परिसरातील रिसॉर्टवर पार्ट्या केल्या जायच्या. याचा पर्दाफाश पोलिसांनी टाकलेल्या छाप्यातून झालाय. नाशिकमधील कॉर्पोरेट जिहादचं प्रकरण हे फक्त धर्मांतरण नाही तर देशाच्या सुरक्षेला आव्हान देण्याचा प्रयत्न असल्याचं समोर आलंय. एवढंच नाही तर या प्रकरणाचं आंतरराष्ट्रीय रॅकेटचे धागेदोरेही दिसून येतायत. मात्र या प्रकरणात दहशतवाद्यांशी हातमिळवणी केल्याचं उघड झालं तर अशा प्रवृत्ती वेळीच ठेचून काढण्याची गरज आहे.