सांगली : मृत बाळ जन्माला आले आणि बालविवाह केल्याची धक्कादयाक घटना सांगली (sangli) जिल्ह्यात उघडकीस आली आहे. या प्रकरणी बालविवाह करून लैंगिक अत्याचार केल्याप्रकरणी पतीसह मुलीचे आई, वडील, सासू आणि सासऱ्यांवर आटपाडी (atpadi) पोलीसांनी (police) पाच जणांना अटक (arrest) केली. (sangli latest marathi news)

याबाबत पाेलिसांनी दिलेली माहिती अशी : आटपाडी तालुक्यातील एका अल्पवयीन मुलीचा विवाह माण तालुक्यातील देवापूर येथील समाधान चव्हाण याच्याशी २८ एप्रिल २०२१ रोजी झाला होता. मुलीची आई व वडील यांनी मुलगी अल्पवयीन असतानाही समाधान चव्हाण याच्याशी लग्न लावून दिले होते. लग्नानंतर मुलगी व तिचा पती पुणे येथे राहण्यास गेले होते. दरम्यान लग्न झाल्यानंतर अल्पवयीन असताना ही समाधान याने मुलीशी शारीरिक संबंध ठेवल्याने मुलगी गर्भवती राहिली.

दरम्यान तिची पुणे (pune) येथील रुग्णालयात प्रसूती झाली असता बाळ मृत जन्माला आले होते. या घटनेची माहिती मिळताच भारती विद्यापीठ पोलिसांनी (bharti vidyapeeth police) मुलीची आई, वडील, पती, सासू, सासरे यांच्या विरोधात फिर्याद दिली होती. हा गुन्हा आटपाडी पोलिस ठाण्याकडे वर्ग झाला हाेता. पाेलिसांनी या प्रकरणी पाच जणांना अटक केली आहे.

Edited By : Siddharth Latkar