बीड : आष्टी तालुक्यातील म्हसोबावाडी फाट्यावर कार ला झालेल्या भीषण अपघातात बीडमधील एकाच कुटुंबातील चार जणांचा मृत्यु झाला असून कारमधील एक जण गंभीर जखमी झाला आहे. (Mhasobawadi Fata Accident, Ashti, Beed)

हे देखील पाहा :

बीड शहरातील प्रसिद्ध व्यापारी असणाऱ्या टेकवाणी (Tekwani Family) कुटुंबियांवर दुःखाचा डोंगर कोसळला आहे. टेकवाणी कुटुंबातील पाच जण बुधवारी सायंकाळच्या सुमारास बीडहून अहमदनगरकडे आपल्या कारमधून जात होते. आष्टी तालुक्यातील म्हसोबावाडी फाट्यावर चालकाचे कारवरील नियंत्रण सुटल्याने, वेगात असणारी हि कार रस्त्याच्या कडेला जाऊन जोरात धडकली.

या अपघातात सुनील टेकवाणी, शंकर टेकवाणी, सतीश टेकवाणी ,लखन टेकवानी या चार जणांचा जागीच मृत्यू झाला असून निरज टेकवाणी हे गंभीर जखमी झाले आहेत. बीड शहरातील टेकवाणी कुटुंब एक प्रतिष्ठित व्यापारी कुटुंब म्हणून ओळखले जाते. एकाच कुटुंबातील चौघांच्या झालेल्या अपघाती मृत्युमुळे सर्वत्र हळहळ व्यक्त होत आहे.

Edited By : Krushnarav Sathe