Maharashtra Congress : काँग्रेस नेते (congress leader) आणि माजी आमदार आशिष देशमुख (ashish deshmukh) यांनी काँग्रेस प्रदेशाध्यक्ष अध्यक्ष नाना पटोले (Nana Patole) यांची पदावरुन हकालपट्टी करण्याची मागणी केली आहे. देशमुख यांनी पक्षाचे प्रमुख मल्लिकार्जुन खर्गे (Mallikarjun Kharge) यांना पत्र लिहून राज्यातील काॅंग्रेस पक्षाची स्थिती चिंताजनक असल्याचे म्हटले आहे. दरम्यान कॉंग्रेस नेते बाळासाहेब थोरात यांनी विधिमंडळ पक्ष नेते पदाचा राजीनामा दिला. वाढदिनीच थाेरातांनी राजीनामा दिल्याने कॉंग्रेसमध्ये एकच खळबळ उडाली आहे. (Maharashtra Congress Party News Today)

बाळासाहेब थाेरात यांनी राजीनामा दिल्याने काॅंग्रेसचे जूने जाणते नेते देखील दुखावले गेले आहेत. माजी मुख्यमंत्री अशाेक चव्हाण (ashok chavan) यांनी ही दुर्दैवी बाब असल्याचे म्हटलं आहे. जालना येथे एका विवाह साेहळ्यासाठी आलेल्या चव्हाणांनी माध्यमांनी थाेरातांच्या राजीनामाबाबत (Balasaheb Thorat Resignation) छेडले असता त्यांनी तुमच्याकडून (पत्रकार) याची माहिती मिळत आहे. हे खरं असेल तर ही बाब दुर्देवी आहे.

चव्हाण म्हणाले आज बाळासाहेबांचा वाढदिवस आहे. त्यांना आज सकाळीच मी वाढदिवसाच्या शुभेच्छा दिल्या. काँग्रेसपक्ष (maharashtra congress) वाढीसाठी आणि हा वाद मिटवण्यासाठी मी त्यांची मनधरणी करीन असेही चव्हाण यांनी नमूद केले. थोरात हे पक्ष सोडून जाणार नाहीच असंही चव्हाण यांनी नमूद केले.

दरम्यान आशिष देशमुख यांनी नाशिक पदवीधर मतदारसंघ निवडणुकीच्या काळात नाना पटाेले यांच्या हकालपट्टी करा अशी मागणी करत पक्षातील अंतर्गत वाद चव्हाट्यावर आणला हाेता. त्याचे पडसाद निवडणुकीच्या निकालानंतर समाेर येऊ लागले आहेत.

Edited By : Siddharth Latkar