कैलास चौधरी

उस्मानाबाद : आरोग्य विभागातील 'क' आणि 'ड' वर्गाच्या परिक्षा अचानकपणे रद्द केल्यामुळे भाजपने जिल्हाधिकारी कार्यालयासमोर निषेध व्यक्त केला आहे. विद्यार्थ्यांना आर्थिक मानसिक आणि शारीरिक त्रास दिल्याने, महाविकास आघाडी सरकार आणि आरोग्य मंत्री राजेश टोपे यांच्या विरोधात घोषणाबाजी करत आरोग्य मंत्र्यांनी राजीनामा द्यावा ही मागणी केली आहे.

हे देखील पहा-

महाविकास आघाडी सरकारने डोकं असलेला आरोग्यमंत्री नियुक्त करावा, तसेच विद्यार्थ्यांचे झाले असलेले आर्थिक नुकसानीची भरपाई देण्यात यावी, अशी मागणी या आंदोलनात भाजपा युवा मोर्चाच्या वतीने करण्यात आली आहे. परीक्षार्थी उमेदवार परीक्षा केंद्रावर पोहोचल्यापूर्वीच आरोग्यमंत्र्यांनी ट्विट करत परीक्षा रद्द करण्यात आली असल्याचे सांगितल्याने विद्यार्थी आणि भाजपाकडून संताप व्यक्त करण्यात येत आहे.

यामुळे ऐनवेळी आरोग्य विभागाची भरती परीक्षा रद्द झाल्याने परीक्षेसाठी जाणाऱ्या अनेक विद्यार्थ्यांना मोठा मनस्ताप सहन करावा लागला आहे. काहींना रेल्वे स्टेशनवर तर आजूबाजूच्या अनेक जिल्ह्यातील विद्यार्थी परीक्षेसाठी मोठ्या आशेने आले होते. मात्र, ऐनवेळी परीक्षा रद्द झाल्याने विद्यार्थ्यांना रेल्वे स्टेशनवर आणि बस स्थानकवरती रात्र काढावी लागली आहे.

Edited By- Digambar Jadhav