एका बापाचा हा आक्रोश ....पंकजा मुंडेंचे पीए अनंत गर्जे यांची पत्नी डॉ गौरी पालवेंनी वरळीतल्या राहत्या घरात आत्महत्या केली... मात्र ही आत्महत्या नसून हत्या असल्याचा आरोप कुटुंबियांनी केला.. आणि आक्रमक झालेल्या गौरीच्या नातेवाईकांनी थेट अनंत गर्जेंच्या घरासमोरच डॉ. गौरी पालवे यांच्या पार्थिवावर अंत्यसंस्कार केले.

दुसरीकडे गौरी पालवेंच्या आत्महत्या प्रकरणात कुटुंबियांनी केलेल्या आरोपामुळे अनंत गर्जेंना वरळी पोलिसांनी मध्यरात्री अटक केली... त्यामुळे अंजली दमानिया यांनी पंकजा मुंडेंवर टीका करत... पीएवर कारवाई का केली नाही? असा सवाल उपस्थित केलाय.. तर दमानियांना पंकजा नावाची कावीळ झाल्याचा पलटवार प्रकाश महाजन यांनी केलाय...

अनंत गर्जेंच्या बाहेरील संबंधांमुळे गौरी पालवेनं आत्महत्येसारखा टोकाचा निर्णय घेतल्याचा आरोपही गौरीच्या नातेवाईकांनी केलाय... त्यामुळे डॉ. गौरीने आत्महत्या केली की तिची हत्या करण्यात आली? याचा निष्पक्षपणे तपास होणं गरज आहे.

आधीच वाल्मिक कराडच्या अटकेनंतर पंकजा मुंडेंवर टीका केली जातेय. त्यात आता ज्याला मुलगा म्हटलं त्याचं पीएला ही पत्नीच्या आत्महत्येप्रकरणी अटक झाली असल्यानं पंकजा मुंडे नेमकी काय भूमिका घेतात..हे पाहणं महत्त्वाचं आहे..