संजय जाधव
बुलढाणा : बुलढाणा Buldhana जिल्ह्यातील देऊळगाव माळी गावातील जवळपास ८० वर्षाच्या वर वय असलेल्या वृद्ध आई वडिलांस मारहाण करून घराबाहेर हाकलून दिल आहे. हे शर्मेच कृत्य त्यांच्याच मुलाने केलं आहे. विनोद फलके हा या वृद्ध दाम्पत्याचा मुलगा असून तो या गावचा माजी उपसरपंच आहे.

या वृद्ध दाम्पत्याला आता सहारा नसल्याने त्यांनी आपबिती जिल्हाधिकारी व पोलीस अधिक्षकांकडे लेखी तक्रार देऊन केली आहे व न्यायाच्या अपेक्षेत रस्त्यावर फिरत आहेत.

हे देखील पहा-

८० वर्षीय परशराम फलके व गीताबाई फलके आहेत. कधी जन्मभरात जिल्हाधिकारी कार्यालय बघितलं नव्हतं. आज त्यांच्या करंट्या मुलामुळे या वयात न्याय मागण्यांसाठी इथं त्यांना यावं लागलं आहे. जन्मदात्या मुलाने या वयात त्यांना मारहाण करत घराबाहेर काढलं आहे. इतकच नाही तर कुण्या नातेवाईकाकडे सुद्धा जाऊ देत नाही. अशा या मुलाची तक्रार घेऊन ८० वर्षीय परशराम व गीताबाई आज जिल्हाधिकारी कार्यालयात आले आहे. ते ही पोटच्या मुलाकडून होत असलेल्या अत्याचाराच्या विरुद्ध न्याय मागण्यासाठी!

या दाम्पत्याला दोन मुलं आहेत मोठा मुलगा विनोद याने तो माजी उपसरपंच असताना आईवडिलांची शेती व घर आपल्या नावावर बॅंकेत कर्ज काढतोय या खोट्या कारणाने आई वडिलांची सही घेऊन करून घेतलं. लहान भाऊ हा बाहेरगावी असल्याने तो गावी आला तेव्हा त्यालाही बेदम मारहाण केली गेली. त्यामुळे आपल्या उतार वयात व जीवनाची मोजकीच वर्ष शिल्लक असताना आता या वृद्द दाम्पत्यास जिल्हा मुख्यालयात न्यायासाठी यावं लागलं. किती हे दुर्दैव.
Edited By-Sanika Gade