अमरावतीत येऊन नवीन राणा यांना लोकसभा निवडणुकीत पाडून दाखवू, असं विधान खासदार इम्तियाज जलील यांनी दोन दिवसांपूर्वी केलं होतं. त्यांच्या या विधानाचा खासदार नवनवनीत राणा यांनी चांगलाच समाचार घेतला आहे. तुमच्यासारखे ५६ आले आणि गेले, पण मी घाबरत नाही, असं नवनीत राणा यांनी म्हटलं आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
हिंमत असेल तर, माझ्याविरोधात अमरावतीतून निवडणूक लढवावी आणि माझा पराभव करून दाखवावा, असं ओपन चॅलेंज नवनीत राणा यांनी जलील यांना दिलं. त्या अमरावतीमधील एका कार्यक्रमात बोलत होत्या. 'या देशात राहायच असेल तर जय श्रीराम म्हणावेच लागेल', असा पुनरुर्चार देखील राणा यांनी केला.
या देशातील लोकांनी अनेक पिढ्यानपिढ्या राम मंदिर उभारण्याची वाट पाहिली. तुमच्यासारखे अनेकजण येऊन गेले. पण अयोध्येत राम मंदिर उभारून दाखवलं, अशी टीकाही नवनीत राणा यांनी खासदार जलील यांच्यावर केली. (Latest Marathi News)
ओवेसी यांच्याबद्दल एक शब्द देखील बोलल्यास ते व्याजासह अमरावतीमध्ये आणि तुझ्या घरी येऊन परतफेड करेल, अशा इशारा ओवेसी यांनी दिला होता. या इशाऱ्याचा देखील राणा यांनी खरपूस समाचार घेतला आहे. हिंमत असेल तर अमरावतीत येऊन दाखवा मी साडीचा पदर खोचून उभी आहे, असंही नवनीत राणा म्हणाल्या.
तुमच्यात जर हिंमत असेल, तर अमरावतीत येऊन माझ्याविरोधात लोकसभेची निवडणूक लढवा आणि मला पाडून दाखवा. जर नाही लढवल्यास तुम्ही छत्रपती संभाजीनगरमधून कसे निवडून येता हे मी पाहतेच, असं ओपन चॅलेंज देखील नवनीत राणा यांनी इम्तियाज जलील यांना दिला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.