अमर घटारे 
अमरावती : एकनाथ शिंदे यांना मुख्यमंत्री पदावरून हटविल्यास  भाजपलाच याचा परिणाम भोगाव लागेल. कारण (Eknath Shinde) एकनाथ शिंदे यांचे ५ ते १० टक्के मतदार नाराज होतील. त्यामुळे एकनाथ शिंदे यांना मुख्यमंत्री पदावरून हटवाल्यास तुमचे काही प्लान कामी येणार नाही; असा इशारा बच्चू कडू (Bachchu Kadu) यांनी भाजपाला दिला आहे. (Tajya Batmya)

मुख्यमंत्री एकनाथ शिंदे अपात्र ठरल्यास अजितदादा मुख्यमंत्री होणार? अश्या चर्चा सुरू झाल्या आहेत. यावर आमदार बच्चू कडू यांनी प्रतिक्रिया दिली. असं होऊ शकत नाही असं झाल्यास मोठ्या प्रमाणावर भाजपला परिणाम भोगावे लागेल. तुमचे काही प्लान कामी येणार नाही असा इशारा बच्चू कडू यांनी भाजपाला दिला. 

आता आरक्षणावर मते मागितली जाणार 
मराठा आरक्षणानंतर धनगर व मुस्लिम समाजाला आरक्षण मिळावं, यासाठी सर्वच समाज आक्रमक झाला. यावर (Amravati) आमदार बच्चू कडू यांनी प्रतिक्रिया दिली. सरकारने एकदा आरक्षनाचा मुद्दा संपायला पाहिजे. आरक्षण विषय हा राजकीय लोकांनी केलेली जातीय व्यवस्था आहे. कारण विकासावर मते घेऊ शकले नाही. आता निवडणूकित समाजात आरक्षणावर मते मागितली जाणार जातीचे मुद्दे घेऊन मते मागणार असा टोला बच्चू कडू यांनी लगावला