अमरावती - राजमाता जिजाऊ यांच्या जयंती दिनी आमदार रवी राणा यांनी बीना परवानगीने राजापेठ येथील उड्डाण पुलावर शिवाजी महाराज यांचा बसवलेला पुतळा आज पहाटे प्रचंड पोलीस बंदोबस्तात हटवण्यात आला. राजापेठ उड्डाण पुलाचे सर्व रस्ते काल रात्रीपासून बंद करण्यात आले होते. त्यानंतर हा पुतळा हटवण्यात आला. हा पुतळा महानगर पालिका (Amravati Municipal Corporation) व पोलीस प्रशासनानेमच्या (Police Administration) वतीने हटवण्यात आला आहे. (Amravati Municipal Corporation and police administration removed the statue of Shivaji Maharaj)

हे देखील पहा -

शिवाजी महाराज यांचा हा पुतळा हटवू नये अशी मागणी महाराष्ट्र नवनिर्माण सेना आणि युवा स्वाभिमान पक्षाने केली होती. या पुतळ्यावरून आता राजकारण चांगलेच तापले आहे.आमदार रवी राणा आणि खासदार नवनीत राणा यांच्या घरासमोर पोलीस आणि SRPF चा मोठा बंदोबस्त लावून त्यांना नजरकैदेत ठेवण्यात आले आहे.

अमरावती महापालिकेत भाजपची सत्ता आहे. शिवाजी महाराज यांच्या या पुतळ्याला महापालिकेने परवानगी द्यावी अशी मागणी रवी राणा यांनी २ दिवसांपूर्वी महापालिकेत केली होती. या पुतळ्यावरून जिल्ह्यात राजकारण चांगलेच तापले असून यात शिव प्रतिष्ठानने सुद्धा उडी घेतल्याची माहिती समोर आली आहे.

Edited By - Shivani Tichkule