अमर घटारे, प्रतिनिधी|ता. २ एप्रिल २०२४

Amravati Loksabha Constituency News:

अमरावतीमध्ये नवनीत राणा यांच्या उमेदवारीला प्रहारचे नेते बच्चू कडू यांचा जोरदार विरोध पाहायला मिळत आहे. नवनीत राणा यांना उमेदवारी जाहीर होताच बच्चू कडू यांनी त्यांच्या विरोधात उमेदवारही जाहीर केला आहे. तसेच नवनीत राणा यांचे डिपोझीट जप्त होईल, असा टोलाही त्यांनी लगावला होता. बच्चू कडू यांच्या या टीकेवरुन रवी राणा यांनी जोरदार पलटवार केला आहे. (Maharashtra Loksabha News)

काय म्हणाले रवी राणा?

"काही लोक फक्त राजकारण करतात नौटंकी करतात. बोलणं फार सोपं आहे. ते आता आंतरराष्ट्रीय नेते झाले आहेत. आंतरराष्ट्रीय प्रवक्ते झाल्यामुळे ते फार बोलू शकतात. अमेरिकेचे जे राष्ट्रपती होते डोनाल्ड ट्रम्प यांच्या जागी बच्चू कडू यांना बसवलं पाहिजे ते अमेरिकेतून बसून देशावर लक्ष ठेवेल आणि देशाचे भल होईल," असा टोला रवी राणा (Ravi Rana) यांनी लगावला आहे.

तसेच "काही लोक फक्त नौटंकी करण्यासाठी राजकारणात आले आहेत. वेळ आल्यावर बच्चू कडूंना (Bachchu Kadu) योग्य उत्तर देईल. माझी कुठलीही चौकशी करा मी समोर जायला तयार आहे, असे म्हणत चंद्रशेखर बावनकुळे यांचं भाकीत खर होईल आणि त्या 3 लाख मतांनी विजयी होतील, असा दावाही रवी राणा यांनी यावेळी केला.

काय म्हणाले होते बच्चू कडू?

प्रहारचे नेते बच्चू कडू यांनी नवनीत राणा यांच्या उमेदवारीवरुन आणि साडी वाटपावरुन जोरदार टीका केली होती. 2 कोटीच्या गाडीत फिरायचं आणि 17 रुपयाच्या साडीने लोकांना गुलामीकडे नेण्याची व्यवस्था तोडून टाका, असा टोला त्यांनी लगावला होता. तसेच नवनीत राणा यांना दोन लाखांच्या मतांनी पराभूत करु, वेळप्रसंगी नवनीत राणांचं डिपॉझिट जप्त करु असा इशारा देखील दिला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)