अमर घटारे

अमरावती - मुलीने अंतर जातीय प्रेम विवाह केल्याने चिडलेल्या आई वडिलांनी मुलीला चक्क जनावरांप्रमाणे मारहाण करत फरपटत नेल्याची घटना अमरावती जिल्ह्यातील अंबाडा या गावात घडली. सावरखेड येथील एका 19 वर्षीय तरुणीचे अंबाडा येथील प्रतिक तडस या युवकाशी प्रेम संबंध होते या दोघांनी 28 एप्रिल रोजी अमरावती (Amravati) येथे आर्य समाज मंदिर येथे विवाह केला.

हे देखील पाहा -

त्यानंतर मुलगी ४ मे रोजी घरून मुलाकडे निघून गेली. आई-वडिलांनी शोधाशोध केल्यानंतर ती अंबाडा येथे असल्याचे त्यांना समजताच मुलीकडील दहा ते बारा जण अंबाडा येथे पोहोचले व त्यांनी मुलीला फरपटत,मारहाण करत उचलून नेले.

प्रतिकने आपल्या पत्नीला मारहाण करून नेल्याची तक्रार मोर्शी पोलीस ठाण्यात केली. मात्र गेले तीन दिवसात पोलिसांनी काहीही कारवाई केली नव्हती. मात्र सोशल मीडियावर व्हिडिओ व्हायरल होताच काल रात्री उशिरा सदर युवतीला तिच्या आई-वडिलांच्या ताब्यातून पोलीस ठाण्यात आणण्यात आले. या प्रकरणी पोलिसांकडून पुढील तपास सुरु आहे.

Edited By - Shivani Tichkule