राज्यात विधानसभा निवडणुका पार पडल्या. विधानसभा निवडणुकीत महायुतीला यश मिळालं आहे. महाविकासआघाडीला अपेक्षित यश मिळालं नाही. त्यामुळे सध्या आरोप प्रत्यारोप केले जात आहे. अशातच राष्ट्रवादी अजित पवार गटाचे नेते अमोल मिटकरी यांनी रोहित पवारांवर आरोप केले आहे. (Amol Mitkari Post)

अजित पवार गटाचे अमोल मिटकरी यांनी एक्स या प्लॅटफॉर्मवर पोस्ट करत रोहित पवार यांना 'खोटारडा' म्हटलं आहे. अमोल मिटकरी यांनी म्हटलंय की, स्व.यशवंतराव चव्हाण साहेबांच्या समाधीसमोर नतमस्तक झाल्यावर हा किती खोटा बोलतोय.बारामतीमध्ये पाय धरून काका माझ्या मतदारसंघात येऊ नका ही विनंती करुन ,आज मस्तीत बोलतोय.जय,पार्थदादा पैकी कुणी एक जरी कर्जत जामखेड मध्ये फिरला असता तरी याचा करेक्ट कार्यक्रम वाजला असता.#खोटारडा. अमोल मिटकरींनी रोहित पवारांवर आरोप केले आहेत.

आज सकाळी यशवंतराव चव्हाण यांच्या स्मृतीस्थळी अजित पवार आणि रोहित पवारांची भेट झाली. त्यावेळी रोहित पवारांनी अजित पवारांच्या पाया पडल्या आहेत. त्याचवेळी रोहित पवारांनी दादा बारामतीत अडकून आहेत. वडिलधाऱ्या व्यक्तींच्या पाया पडण्याची ही आपली परंपरा आहे, असं म्हटलं होतं. याचाच व्हिडिओ शेअर करत अमोल मिटकरींनी रोहित पवारांवर टीका केली आहे. (Ajit Pawar)

दरम्यान, अजित पवार आणि रोहित पवारांची भेट झाली. त्यावेळी अजित पवारांनी त्यांना म्हटलं की, रोहित थोडक्यात वाचलास, माझी सभा झाली असती तर काय झालं असतं. दर्शन घे काकांचं, असा मिश्कील टोला लगावला होता. दरम्यान, याचवरुन रोहित पवारांनी अजित पवारांनी सभा न घेण्याची विनंती केली होती, असं अमोल मिटकरी यांनी म्हटलं आहे. (Amol Mitkari Post On Rohit Pawar)