अजितदादांच्या मृत्यूनंतर राष्ट्रवादीत विलिनीकरणाच्या चर्चेनं जोर धरला होता..यावरून अनेक दावे प्रतिदावे केले जात होते..त्यात आणखी एका मोठ्या दाव्याची भर पडलीय. शरद पवारांच्या राष्ट्रवादीचे खासदार अमोल कोल्हेंनी मोठा गौप्यस्फोट केलाय..ओबीसींच्या जातनिहाय जनगणनेच्या मागणीसाठी आणि ओबीसींचा आवाज बुलंद कऱण्यासाठीच मंत्री छगन भुजबळांना दादा राज्यसभेवर पाठवणार होते असा गौप्यस्फोट अमोल कोल्हेंनी केलाय...तर भुजबळांची दिल्लीत जाण्याची अनेक वर्षांपासूनची इच्छा असल्याचा टोला खासदार संजय राऊतांनी लगालवाय.

दुसरीकडे कोल्हे फक्त भुजबळांबाबत वक्तव्य करुनच थांबले नाहीत... तर त्यांनी आणखी एक मोठा दावा केलाय. दादांच्या राष्ट्रवादीचे निवडणूक रणनीतीकार नरेश अरोरा हे राज्यसभेसाठी फिल्डिंग लावत असल्याचा दावाही कोल्हेंनी नाव न घेता केलाय. खरंतर राष्ट्रवादीच्या फुटीनंतर अजितदादांच्या राष्ट्रवादीनं नरेश अरोरांच्या डिजाईन बॉक्स या कंपनीला निवडणूक रणनीतीचं काम दिलं होतं..

त्यामुळे अरोरा चर्चेत आले होते.. एवढंच नाही तर रोहित पवारांनीही निवडणूक रणनीतीकाराच्या कंपनीचं कंत्राट रद्द करण्यावरुन दादा आणि त्यांच्या पक्षाच्या दोन नेत्यांमध्ये वाद झाल्याचा दावा केला होता.. आता राज्यसभेच्या निमित्तानं अरोरा पुन्हा चर्चेत आले आहेत. त्यामुळे आगामी राज्यसभा निवडणुकीत नरेश अरोरांची वर्षी लागणार की पार्थ पवारांची याबाबत उत्सुकता आणखीनच वाढलीय.