- रणजीत माजगावकर

Kolhapur News : कागल-निढोरी राज्य मार्गावर बामणी हद्दीतील शेतात गोटखिंडी इथल्या एका तरुणाचा मृतदेह काल रात्री टाकण्यात आला आहे. या तरुणाच्या डोक्यात वाराच्या खुणा आहेत. या तरुणास इतर ठिकाणी मारून या ठिकाणी मृतदेह आणून टाकला आहे. (Maharashtra News)

आज (गुरुवार) सकाळी पोलीस पाटील महादेव कुंभार यांनी याबाबतची वर्दी कागल पोलिसांना दिली. त्यानंतर कागल पोलीस घटनास्थळी पोहचले. पोलिसांनी पंचनामा करताना या तरुणाच्या खिशात ड्रायव्हिंग लायसन्स सापडले.

त्यावरून अमरसिंह दत्ताजीराव थोरात (amarsinh thorat) (वय ३८) राहणार गोटखिंडी ता. वाळवा जि. सांगली असे या तरुणाचे नाव असल्याचे समजले. कोल्हापूर इथल्या शहाजी लॉ कॉलेज मध्ये द्वितीय वर्षात अमरसिंह शिकत असल्याचे समजते.

दरम्यान रात्री साडेनऊच्या सुमारास या ठिकाणी एक चार चाकी गाडी थांबल्याचे काही नागरिकांनी पाहिले होते. त्यामुळे याचवेळी हा मृतदेह या गाडीतून शेतात टाकला असण्याची शक्यता आहे.

Edited By : Siddharth Latkar