अमर घटारे

अमरावती : अमरावतीत सिटी बसने चिरडुन विद्यार्थींनीचा जागीच मृत्यू झाला आहे. अमरावती (Amaravati) शहरातील अशासकीय भियंता महाविद्यालय समोरील घटना (Accident News) असून नेहा इंगोले (वय २१) असे मृतक विद्यार्थिनीचे नाव आहे. (Tajya Batmya)

नेहा इंगोले ही आपल्या मित्रांसोबत दुचाकीवर जात असताना विदर्भ ज्ञान विज्ञान महाविद्यालया समोर दुचाकीला ब्रेक लावला. यानंतर रस्त्यावर दोघेही पडले. यावेळी मागून येणाऱ्या सिटी बसचे मागील चाक नेहाच्या डोक्यावरून गेल्याने तिचा मृत्यू (Accident Death) झाला. नंतर नेहाला खाजगी रुग्णालयात नेले असता तिला मृत घोषित करण्यात आले.

तरूण उपचारासाठी दाखल

सध्‍या नेहाचा मृतदेह जिल्हा सामान्य रुग्णालयात आणण्यात आला आहे. तर त्या तरुणाला उपचारासाठी खाजगी रुग्णालयात दाखल करण्यात आले आहे. यावेळी परिसरातील नागरिक आणि नातेवाईकांनी रुग्णालयात गर्दी केली.