अमर घटारे

अमरावती : परिसरात विद्युत लाईनची समस्‍या असल्‍याने ही समस्‍या सोडविण्यासाठी महावितरणचे (Mahavitaran) विज तंत्रज्ञ हे खांबावर कामासाठी चढले होते. काम करत असताना त्‍यांना विद्युत करंट (Electric Shock) लागल्‍याने त्‍यांचा जागीच मृत्‍यू झाला. (Breaking Marathi News)

महावितरणचे वरिष्ठ वीज तंत्रज्ञ कैलास कोचे यांचा विजेच्या शॉकने मृत्यू झाला. कोचे हे पन्नालाल नगर वीज केंद्रावर कार्यरत होते. दरम्‍यान आज सकाळी अकरा वाजेच्‍या सुमारास कोचे हे वीज खांबावर दुरुस्तीच्‍या कामासाठी चढले होते. काम करत असताना त्‍यांना विजेचा जबर शॉक लागला. यात कोचे यांचा जागीच मृत्यू झाला.

नातेवाईक, कर्मचाऱ्यांची गर्दी

विजेचा धक्‍का लागल्‍यानंतर अन्‍य कर्मचारींनी विद्युत पुरवठा खंडीत करून कोचे यांना खाली उतरवत अमरावती जिल्हा सामान्य रुग्णालयात दाखल केले. येथे डॉक्‍टरांनी त्‍यांना मृत घोषित केले. कोचे यांच्‍या मृत्‍यूची बातमी समजताच वीज कर्मचारी तसेच त्‍यांच्‍या नातेवाईकांनी मोठी गर्दी केली होती.