- रणजीत माजगावकर

Almatti Dam News : कर्नाटक राज्यातील अलमट्टी धरणातून एक लाख क्युसेक पाण्याचा विसर्ग सुरु करण्यात आला आहे. यामुळे कोल्हापूर , सांगली, सातारा जिल्ह्याला मोठा दिलासा मिळाला आहे. या तिन्ही जिल्ह्यातील संभाव्य पूरपरिस्थितीचा धाेका तूर्तास टळला आहे. (Maharashtra News)

अलमट्टी धरणातून पाण्याचा विसर्ग केल्यास महाराष्ट्रातील पूर परिस्थिती टळू शकते. यामुळे राज्यातील सरकार नेहमीच कर्नाटक सरकारला अलमट्टीतून पाण्याचा विसर्ग करावा अशी मागणी करीत असे. या मागणीला आता यश येऊ लागले आहे.

कृष्णा व पंचगंगा नद्यांना पूर परिस्थिती (floods) निर्माण झाली हाेती. त्यामुळे महाराष्ट्र व कर्नाटक या दोन्ही राज्यांनी समन्वय ठेवून अलमट्टीतून एक लाख पाण्याचा विसर्ग केला आहे. दरम्यान अलमट्टी धरणातून पाण्याचा विसर्ग आणखी वाढणार आहे. आज सकाळी 11 वाजल्यापासून धरणातून तब्बल दीड लाख क्यूसेकनं विसर्ग होणार असल्याची माहिती प्रशासनाने दिली.

Edited By : Siddharth Latkar