Akola News Today: अकोल्यात कृषीमंत्र्यांच्या नावावर कृषी विभागाच्या कथित पथकानं अकोल्यातील एमआयडीसीमध्ये धाडी कालपासून धाडी टाकल्या आहेत. मात्र, या पथकात अधिकार नसलेल्या अनेक खाजगी व्यक्तींचा समावेश असल्याची बाब समोर आली आहे. (Latest Marathi News)

या पथकानं पैशाची मागणी केल्याचा गंभीर आरोप एका खत कंपनीच्या व्यवस्थापकानं केला आहे. दरम्यान, पथकात कृषीमंत्री अब्दूल सत्तारांचा (Abdul Sattar) स्विय सहायक दिपक गवळी आणि वादग्रस्त असलेल्या हितेश भट्टड यांच्यावरून आरोप-प्रत्यारोप सुरू झाले आहेत.

ठाकरे गटाचे आमदार नितीन देशमुख आणि राष्ट्रवादीचे (NCP) आमदार अमोल मिटकरींनी (Amol Mitkari) यावरून अब्दूल सत्तार यांच्यावर गंभीर आरोप केले आहेत. दरम्यान, अकोल्यातील कृषीमंत्र्यांच्या कथित पथकाविरोधात खंडणीची तक्रार करणाऱ्या अक्षत फर्टीलायझर्स विरोधात कृषी विभागानं कारवाई सुरू केली आहे. नंदूरबार जिल्ह्यातील शहादा येथील कंपनीच्या उत्पादनांची विक्री थांबवली आहे. या कंपनीचा माल असलेल्या गोदामाला सील लावल्याची माहिती मिळत आहे.

बियाण्यांसह खतांचे परीक्षण होऊन शेतकऱ्यांना चांगल्या दर्जाचे बियाणे, खत मिळावेत, यासाठी कृषि विभागाच्यावतीने प्रत्येक वर्षी बियाणे, खत तपासण्याची मोहिम राबविण्यात येते. यंदाच्या खरीप हंगामातही कृषी विभागाच्या पथकाकडून कृषी केंद्र, गाेदामााची पाहणीस प्रारंभ झाला. राज्यस्तरीय पथकाने एमआयडीसी परिसरातील गाेदामांची तपासणी माेहिम सुरू केली. (Political News)

मात्र पथकातील तपासणीवरून वाद निर्माण झाला. पथकातील खासगी व्यक्तिकडून थेट गाेदामात जात साहित्याची नासधूस केल्याचा आरोप व्यावसाियक व कंपनीच्या अधिकाऱ्यांनी केला. त्यांनी थेट कृषी कार्यालयात धाव घेतली. त्यांनी अधिकारी यांना निवेदन दिले. दरम्यान यासंदर्भात आमदार मिटकरी आणि ठाकरे गटाचे आमदार नितीन देशमुख यांनी कृषिमंत्री यांची हकालपट्टी करण्याची मागणी केली आहे.