सांगली: दारुची पार्टी (Drunk) करताना तिसऱ्या मजल्यावरून पडून मिरज (Miraj) तालुक्याच्या गुंडेवाडीतील तरुण जागीच ठार झाला आहे. बंद पडलेल्या डी एम के टोयोटा इमारतीवर ही घटना घडली आहे. अक्षय कुमार माने वय 21 राहणार कैकडे गल्ली गुंडेवाडी असे ठार झालेल्या तरुणाचे नाव आहे. (Sangli Drunk Man Falls From Building)

हे देखील पाहा -

मिळालेल्या माहितीनुसार, मध्यरात्रीच्या सुमारास तांनग फाटा येथे बंद पडलेल्या डी एम के टोयोटा शोरुमच्या इमारतीमध्ये ही घटना घडली आहे. या ठिकाणी नेमलेल्या सुरक्षारक्षकाने आणि त्याच्या मित्रांने या बंद पडलेल्या इमारतीच्या तिसऱ्या मजल्यावर पार्टी केली होती. सुरक्षारक्षकसोबत अक्षय माने आणि गुंडेवाडी येथील आणखी दोघे मित्र असे चौघे या पार्टीचा आस्वाद घेत होते. दारुच्या नशेत खाली उतरताना अक्षय हा तिसऱ्या मजल्यावरून पडल्यानंतर सनी माने याने मयत अवस्थेत अक्षय माने याला मिरज शासकीय रुग्णालयात दाखल केले होते. या घटनेची माहिती मिरज ग्रामीण पोलिसांना मिळाल्यानंतर पोलिसांनी घटनास्थळी धाव घेतली. याप्रकणी मिरज ग्रामीण पोलिस अधिक तपास करत आहेत.