अकाेला : बुलढाणा आणि अकोला जिल्ह्याच्या सीमेवरील शेगाव - अकोट राज्य मार्गावरील लोहारा गावाजवळ असलेल्या मन नदीच्या पुलावर इंग्रजकालीन पूल बांधलेले आहे. गत दोन दिवसांपासून परिसरात सुरु असलेल्या पावसामुळे नदीला पूर आला. यामुळे मंगळवारी रात्री पुलाचा काही भाग खचला. या ठिकाणी वाहनाचा अपघात होऊ नये यासाठी शेगाव -अकोट राष्ट्रीय महामार्ग हा वाहतुकीस बंद करण्यात आला आहे. akot-shegoan-highway-road-to-remain-closed-buldhana-akola-rain-update-news-sml80

या मार्गावरील वाहतूक पर्यायी मार्गाने वळविण्यात आली आहे. शेगाव - अकोट राज्य मार्गावरील बुलढाणा आणि अकोला जिल्ह्याच्या सीमेवरीळ मन नदीवर इंग्रज कालीन पूल बांधलेले आहे. हe पूल नादुरुस्त असल्याने या ठिकाणी नवीन पुलाचे बांधकाम सुरु आहे. हे बांधकाम संथ गतीने सुरु असल्याने याचा फटका वाहन चालकांना बसत आहे.

२२ जुन रोजी नादुरुस्त पुलाचा काही भाग खचल्याने यावरून जाणारे वाहन पुलावरून खाली अर्धे लटकले होते. यामुळे येथून वाहतुक बंद करण्यात आली होती. तात्पूत्या दुरुस्ती नंतर आठ दिवसांनी या मार्गावरील वाहतूक सुरु करण्यात आली होती. मंगळवारी रात्री पुलाचा काही भाग खचला. यामुळे या ठिकाणी वाहनाचा अपघात होऊ नये यासाठी शेगाव -अकोट राष्ट्रीय महामार्ग हा वाहतुकीस बंद करण्यात आला आहे. या मार्गावरील वाहतूक पर्यायी मार्गाने वळविण्यात आली आहे याची नाेंद नागरिकांनी घ्यावी असे आवाहन प्रशासनाने केले आहे.

edited by : siddharth latkar