अकोल्यात नाल्याच्या पाण्यात बुडून दोन चिमुकल्यांचा मृत्यू झालाय. खेळ असताना नाल्यात पोहण्यासाठी उतरलेल्या दोन चिमुकल्यांचा पाण्यात बुडून मृत्यू झालाय. जिल्ह्यातील दापुरा-मजलापूर येथे ही घटना घडलीय. दापुरा येथील कोला नाल्याच्या पात्रातील पाण्यात बुडून दोन चिमुकल्याचा मृत्यू झाला. समर इंगळे आणि दिव्यांशू डोंगरे असे मृत्यू झालेल्या चिमुकल्यांची नावे आहेत.

दापुरा येथील समर योगेश इंगळे आणि दिव्यांशु राहुल डोंगरे हे इतर दोन मुलांसह खेळण्यासाठी घराबाहेर गेले होते. त्यावेळी ते गावाशेजारील नाल्याकडे खेळण्यासाठी गेले. त्यावेळी त्यांना नाल्यात पोहण्याचा मोह झाला. गावाशेजारच्या कोलार नाल्याच्या पात्रात चारही चिमुकले पोहण्यासाठी उतरले. त्यापैकी समर आणि दिव्यांशु या दोन्ही चिमुकल्याचा कोलार नाल्याच्या पाण्यात बुडून मृत्यू झाला.

हा प्रकार नाल्याच्या काठावर उपस्थित अन्य दोघा चिमुकल्यानी गावात येऊन सांगितला. नातेवाईकांसह ग्रामस्थांनी घटनास्थळी धाव घेतली परंतु तोपर्यंत दोघांचा मृत्यू झाला होता. याप्रकरणी बोरगाव मंजू पोलीस ठाण्यात आकस्मित मृत्यूची नोंद करण्यात आलीय. या दोन्ही चिमुकल्यांचा कोलार नाल्यातील पाण्यात बुडून मृत्यू झाला. सध्या बागायती पिकांना कालव्यातून शेतीसाठी पाणी सोडलं जात आहे. काही शेतकऱ्यांनी या कालव्याच्या पाण्याचे पाट या नाल्यात सोडून दिले.

तसेच इतर शेतकऱ्यांनी या नाल्याचे जेसीबीने नुकतेच खोलीकरण केले. त्यामुळे या साचलेल्या पाण्यात हे चारही मित्र आंघोळीसाठी उतरले होते. परंतु त्यापैकी यातील दोन्ही मुले बुडाली, अशी चर्चा दापोरा गाव पसरलीये.