अकोला : अकोल्यातील युवक वारी हनुमान येथे दर्शनासाठी गेले होते. यातील काही मित्र मंदिराकडे होते. तर काही मामा भाच्याच्या डोहाकडे अंघोळ करण्यासाठी गेले. यात एका युवकाचा डोहात बुडून मृत्‍यू (Death) झाल्‍याची घटना घडली. (akola news young man who went to see Hanuman died after drowning in dam)

गेल्या वर्षानुवर्षे सातपुड्याच्या कुशीत वसलेल्या मामा भाच्याच्या डोहात शेकडो जणांचा बुडून मृत्यू झाला आहे. शासनाकडून तसेच नागरिकांकडून दक्षता घेण्यासाठी सांगण्यात येते. मात्र ह्या बाबीला जुमानत नाही. अशीच घटना आज घडली असून अकोल्यातील (Akola) युवक दर्शनासाठी वारी हनुमान येथे आले होते. यात मामा भाच्याच्या डोहाकडे अंघोळ करण्यासाठी गेले असता राज गुडदे (वय १९, रा. सिंधी कॅम्प अकोला) हा अंघोळ करीत असताना बुडाला.

नागरीक पोहचेपर्यंत युवकाचा मृत्‍यू

मित्रांनी आरडाओरड केली तेव्हा आजूबाजूला असणाऱ्या नागरिकांनी धाव घेतली. मात्र तोपर्यंत सदर युवक बुडाला होता. याबाबत वारी येथील सरपंच शिवा पतींगे यांनी तात्काळ घटनास्थळी धाव घेऊन याबाबत हिवरखेड पोलिसांना (Police) माहिती दिली. याबाबत पुढील तपास हिवरखेड पोलीस करीत आहेत.