अक्षय गवळी 

अकोला : घरात कुलर चालू असताना खेळात असताना कुलरला हात लागला. यावेळी कुलरमध्ये विद्युत प्रवाह उतरलेला असल्याने विजेचा जोरदार झटका बसून दोन चिमुकल्यांचा मृत्यू झाला. सदरची घटना अकोला जिल्ह्यातल्या अकोट शहरातल्या काळेगाव गावात ही घटना घडली आहे.

अकोला (Akola) जिल्ह्यात हि दुर्दैवी घटना घडली असून या घटने ईशानी प्रवीण ढोले (वय ४) आणि प्रियांशी सोपान मेतकर (वय ५) या चिमुकल्यांचा मृत्यू झाला आहे. अकोट शहरातल्या काळेगाव गावात वास्तव्यास असलेल्या मामाकडे दोन्ही मुली आल्या होत्या. दरम्यान घरात खेळत असताना त्यांचा कुलरला हात लागल्यानं जोरदार (Electric Shock) शॉक लागला अन् यात दोघींचा दुर्दैवी मृत्यू झाला. अचानक घडलेल्या या घटनेने कुटुंब हादरले आहे. 

दीड महिन्यात ५ जणांचा मृत्यू  

दरम्यान अकोल्यात मागील दीड महिन्यात आतापर्यत कुलरचा शॉक लागून ५ लोकांचा मृत्यु झाला आहे. आज अकोला जिल्ह्यात पुन्हा दोन चिमुकल्यांचा मृत्यू झाला. या प्रकरणी हिवरखेड पोलीस ठाण्यात आकस्मित मृत्यूची नोंद करण्यात येत आहे. या घननेने हळहळ व्यक्त होत आहे.